الطبقة المصوطية!!

كتب بواسطة على الساعة 11:10 - 7 فبراير 2013

الفقيه بوصنطيحة

السي عبد الإله بنكيران اللي ترجينا بركتو جاب الزيادات معاه فلحيتو. الحكومة، الله يسمح ليها، ناوية تدير فينا واحد المنكر تاريخي، وبذلك ستدخل التاريخ، إلى درجة أن المغاربة سيلعنون الربيع العربي اللي عطا هاد الزعامة كاملة لبنكيران.

قاليك أسيدي غادي يحايدو صندوق المقاصة، وغادي يعطيو للناس اللي ما فحالهمش شي 500 ولا 600 درهم باش يخلصو الفرق فالثمن ديال البوطا والدقيق والسكر… هاد الشي مزيان، ولكن ديك الطبقة المتوسطة مسكينة شكون يشوف من حالها؟
المنكر ماشي هو إصلاح صندوق المقاصة، ولكن هو أن البلاد 40 عام وشي بعضين كيمصو فيها، وملي جا وقت الإصلاح خاص اللي خدام بذراعو هو اللي يخلص بوحدو، وهادوك اللي ردو البلاد فيها الشلل النصفي يتفرجو فينا.
أسيدي مرحبا بالإصلاح، ويلا البلاد ما عندها فلوس نديرو يد الله معاها، هادي بلادنا الله غالب، ولكن كلشي يخلص، ونبداو من هادوك اللي عندهم الفلوس بزاف وشبعو صفقات، ونمشيو عند هادوك اللي شفرو الصناديق، ونرجعو لهادوك اللي عندهم الكريمات.
علاه تعرفونا غير فالأزمة. أنا بعدا ما لاعبش.
تشاو تشاو.

ما رأيك؟
أنشر الفيديو إذا أعجبك
أعجبني
لم يعجبني
محايد
التعليقات
5
  1. عبقندر

    انا من الناس اللي متعاطفين مع حكومة بنكيران..ولكن الى دارو هاد الزيادة انا مستعد ننزل لشارع حيت هادشي غادي قيسنا فالعضم…واحاسب الشفارة وخود حقنا منهم ولا قدم الاستقالة وخرج براسك مرفوع قدام الشعب

    إجابة
  2. omar almahdi

    و خاليوا السيد يخدم !!! وموتوا بغيضكم أيها العلمانيون الكفار!!
    أليس هذا كلام المغاربة وكلام الصحافة ؟؟ ألم تعطوهم 107 مقعدا ؟ أليسوا أولاد الشعب ونحن أولاد …؟
    وخاليوهم اخدموا ونحن نموت بغيضنا !!
    ملاحظة وتذكير: نحن تعود على الاتحاديين!

    إجابة
  3. kakarita

    في هاد الايام كثُر اللغط حول الزيادة في الاسعار ..!! وكثُر الكلام حول اصلاح صندوق المقاصة ….!! اصحاب هدا اللغط غادي نقولهم ليكم في أخر المقال ..!!
    علاش الاصلاح…؟؟
    أولا اصلاح صندوق المقاصة “صندوق الفقراء” الكل يطالب به ..علاش لأن المستفيد الاكبر منه ليسو الفقراء !! بل الاغنياء واصحاب النفود ..
    كيفاش ؟؟
    أولا لان الغني يستهلك اكثر من الفقير المواد الاساسية …فادا كان الفقير يستهلك قنينة غاز واحدة من الحجم الكبير في الشهر ..فان الغني يستهلك أربع قنينات غاز في الشهر فقط للدوش!! وأيضا كبار الفلاحين الدين يستخدمون غاز البوطان في السقي!! إذن يجب الاصلاح !!
    إذا كان الفقير يستهلك 2 كيلو سكر في الاسبوع …فان الغني يستهلك أكثر …بل المستفيد الاكبر من الدعم هم اصحاب المخابز واصحاب الحلويات … وشركات صناعة العسل وشركات مثل كولا كولا …و صناعة الفانيد !!! هؤلاء هم المستفيديون الحقيقون لانهم يستهلكون السكر أكثر من الفقير !! بل ولهم عائدات كبيرة و أرباح …هل يعقل ان تستفيد شركة كوكا كولا العالمية من صندوق المقاصة !!! هه يعني يجب الاصلاح !!
    كم يستهلك الفقير من الدقيق!! 50 كيلو في الشهر … !! هل تعرفون المستفيد الحقيقي من دعم صندوق المقاصة في الدقيق… هم اصحاب المخابز الكبرى وشركات البسكويت ..يعني يستفيدون أكثر علاش!! حيت يستهلكون أكبر ….!!!
    أما الفقير مسكين راه ممستافد والو …
    هل يعقل ان يتم دعم اصحاب الشركات العملاقة من صندوق مخصص للفقراء !! هل يعقل ان يتم دعم الفيول الصناعي من صندوق المقاصة !! واش الفقير يستهلك الفيول الصناعي …
    الفيول الصناعي ستهلكه المكتب الشريف للفوسفاط والشركات الكبيرة ..!!
    هل الفقير يستهلك الايصانص !!! ههه يستهلكه فقط اصحاب السيارات الفارهة …الميرسيديس والاودي …وزيد وزيد ..
    بكل بساطة الامر يتعلق بمحاولة استغلال الفقير من أجل الاستفادة على ظهره هه لا أقل ولا أكثر … ومن أجل ان يستمر هؤلاء مثل كوكا وكولا وكوزيمار و المخابز الكبرى في الاستفادة …!!
    هل يعقل برلماني أو وزير يستفيد حتا هو من صندوق المقاصة !!!!! مجاتش تاني عندو لفلوس يشري البوطا بالثمن ديالها الحقيقي صافي …
    السيد نجيب بوليف وزير الشؤون العامة والحكامة قال:
    سنعطي مساعدات مالية مباشرة لحوالي 3.5 مليون أسرة … يعني الى كان كل اسرة فقيرة فيها 7 افراد بما فيهم الاب والام … يعني الدعم ستستفيد منه حوالي 24.5 مليون مغربي سيستفيد من الدعم يعني أكثر من ثلثي المجتمع !!
    والمهم في هذا الدعم هو كون الدعم مربوط بشروط !! مثلا : خاص تقري ولادك ضروري …
    يعني سنحارب الامية بهاد الدعم …!!
    البعض غادي يدافع بشراسة باش تبقى كوكا كولا واصحاب الشركات العالمية والمحلية والاغنياء في الاستفادة ..عبر استغلال صندوق الفقراء ..
    لكن الاصلاح ضروري منه …لان الصندوق اصبح يكلف 50 مليار درهم !! وهو رقم خيالي وكبير …
    لو تم توزيعه مباشرة على الفقراء لتغيرت أحوالهم في عام واحد !! لكن هؤلاء يمتصونه عبر شركاتهم ومقاولاتهم و عبر سياراتهم…
    تخيلو معي انه رغم تقديم المساعدة لحوالي 24.5 مليون مغربي في المستقبل غادي تشيط لينا 30 مليار درهم وهي كافية كما قال رئيس الحكومة لتمويل مشروع لنقل مياه الفياضانات في الغرب إلى منطقة الحوز لإستعمالها في السقى هناك !! هادشي غير فلوس سنة واحدة !!
    معاً للاصلاح .. وضذ مستغلي صناديق الفقراء للاغتناء وجمع الثروة !!
    شكون اللي تيعارض الاصلاح …؟؟
    أولا: الاحزاب السياسية علاش ؟؟ ماشي حيث غادي ترتفع الاسعار ..لا لا ولكن لانها تعلم ان الحكومة ستوزع مساعدات مباشرة يعني ههه ستحصل على شعبية كبيرة !! وسترتفع اسهمها عند الشعب لانها حرمت موالين لكروش لكبار من امتصاص اموال الفقراء !!
    تانيا : اصحاب الشركات الكبرى والمستفيدة ..عبر تحريض الصحف والمجلات وبعض الصحافيين “كاري حنكو”.. لتخويف الشعب !! باش يعارض الشعب الاصلاح ويبقاو هوما مستافدين !!!
    ثالثا : هههه شي وحدين راكم عارفيهم يمارسون المعارضة كمهنة !! يعني من نهار جا بنكيران وهوما تيعارضو فيه… راه مستغلين الفرصة وصافي …
    بغا بنكيران يصلح انظمة التقاعد ناضو ليه لا لا لا
    بغا يصلح الكريمات ونشر اللوائح ناضو ليه لا لا لا
    بغا يصلح التعليم والصحة ويمنع العمل في المصحات الخاصة والمدارس الخاصة ناضو ليه لا لا
    زاد في الضريبة على الشركات ..قالو ليه تتهدد الاستتمار ..!!
    قام بالقبض على عليوة مدير البنك السياحي والعقاري وأيضا مدير المكتب الوكني للمطارات ومدير ميناء طنجة المتوسطي … قالو ليه تصفية حسابات !!
    كيما دار وحلة …
    المهم الاصلاح سيتم لانه في مصلحة البلاد ….غير متخليوش اللي يستغلكم للمرة التانية من أجل افشال الاصلاح …
    فقد سبق وأن استغلوا اموال الفقراء ولا زالو …

    إجابة
  4. hamza nafid

    kifach makaynach la9raya ?
    wach hna 3amarna 9rina ba3da rahom ti dahko 3la wlad cha3b

    إجابة
  5. مغربية حرة

    إلى KAKARITA أنا متفقا معاك وكلامك عين العقل ولكن كلام الفقيه عندو فيه الحق مبلغ 600 درهم للأسر الفقيرة وخا ولي ما غاديش يستافد ولي تيتخلص ب3000 أو 4000 درهم شنو انديرو معاه واش يخلص بيها الطريطة ديال الدار اولا يقري بيها ولادو اولا يشري بيها الكتب ديال المدرسة اولا الكبش ديال العيد او بوطة ب100 درهم فالشهر او 300 درهم ماء والضو فالشهر اولا ايكسي لوليدات فالعيد اولا يشري بيها قنبة ويقج بيها راسو احسن ويتهنا من هادشي كولو الله يحسن عوان سي بنكيران القضية تتحير منعرف أشنو هو لحل الله يصاوب من عندو وصافي

    إجابة

إضافة تعليق