غادي نبلوكيكم في فايس بوك

كتب بواسطة على الساعة 17:53 - 20 يناير 2013

ميستر بين كيران

يا المغاربة كترتو عليا، وا ما باين ليكم غير أنا؟ بنكيران طلع بنكيران هبط بنكيران ضحك بنكيران مغوبش، وزايدينها بنكيران حاط رجل على رجل قدام السفير الألماني، بصحتي آ سيدي، واش فهمتينس ولا لا؟

وراه نعاودها ليكم كي الخرافة، مشيت لقريعة وشريت صباط جديد وبغيت ندير شوية العياقة على الألماني ونوريه الصباط، ونديرو شوية الترويج للسوق الوطني للألبسة الأول في المغرب، راه هاد الشي كلو داخل في الاقتصاد والترويج والسياحة.
وزايدون كيفما درت معاكم وحلة، ما دويتش كيقولو لا يتواصل، صوبت سيت وفايس بوك بديتو تعايرو فيا فحيطي، راه تبقاو تعايروني في فايسبوكي راني نبلوكيكم وما نبقاش نشاتي معاكم ونلعب معاكم في المزرعة السعيدة. يالاه ديكونيكسيون.
فهمتيني ولا لا؟؟

ما رأيك؟
أنشر الفيديو إذا أعجبك
أعجبني
لم يعجبني
محايد
التعليقات
0

إضافة تعليق