معلقون من زمن الطواليط!

كتب بواسطة على الساعة 21:59 - 18 يناير 2013

الفقيه بوصنطيحة

ما فهمتش علاش كلام العيب ولى سابقنا. اللي كيقرا التعاليق ديال شي ناس فاليوتوب ولا الفايس بوك كيشم فيها ريحة الطواليط من كثرة الكلام الزين اللي فيها!

المصيبة فهاد الظاهرة هي أن هاد البشر كيهضر باسم الدين والأخلاق والعادات والتقاليد ولكن هو أول من يضرب هاد الشي فالزيرو. مثلا شي واحد يلا هضر على الجنس كيجي شي معلق يقول ليه: يا ولد الق… هاد الشي حرام، بحال يلا زعما “ولد الق…” حلال!
كيبان أن هادا مشكل حقيقي، واللي ما تيقنيش, ولا قال علي كنبالغ، يضرب شي دورة فاليوتوب ويرد علي الخبر. داك الشي فات القياس، شي دار التكنولوجيا باش يفيد البشرية، وشي دخل ليها باش يعاير البشرية!
الله ينعل اللي ما يحشم.
تشاو تشاو.

ما رأيك؟
أنشر الفيديو إذا أعجبك
أعجبني
لم يعجبني
محايد
التعليقات
1
  1. mzabi امزابي

    اسي الفقيه

    هادوك غير الوليدات لي كنطلقو ليهم اللعب في الزنقة ..اربط تصيب ما تسيب.
    ياك ما حتى انا هضرتي زنقوية…راه اللسان ما فيه عظم
    ما تنساش ان اليوتوب او الفيسبوك…تربية المواقع الالكترونية
    لي حتى هي ما ينقصهاش من هاد الزريعة
    هاديك سميتها ” خالف تعرف ” بعيدة عن الشعبوية ديال بنكيران .. و لغة الخشب التي تمطرننا بها الصحافة الورقية.

    دابا يكبرو …….و ينساو ……..ويعودو يتكلموا فحالك….غير وسع خاطرك

    إجابة

إضافة تعليق