الزاكي لـ كيفاش: ماشي حنا اللي نوريو للطاوسي شنو يدير وراه هو اللي أهلنا وحتى واحد ما كان يحلم بالتأهيل (تسجيل صوتي)

كتب بواسطة على الساعة 17:27 - 18 يناير 2013

 

محمد محلا

الجميل في الكرة أنها تذيب الخلافات في بعض الأحيان، حين يتعلق الأمر بالمنتخب الوطني. الإطار الوطني بادو الزاكي، الذي أهل المنتخب إلى المقابلة النهائية لكأس إفريقيا في تونس سنة 2004، تمنى التوفيق لرشيد الطاوسي والمنتخب الوطني في مشاركتهم في كأس إفريقيا للأمم، التي ستنطلق يوم غد السبت (19 يناير).
الزاكي، في حوار مع موقع “كيفاش”، قال إنه يساند الطاوسي. وأضاف: “الطاوسي اللي قريب للمجموعة ديالو، وما غادي نقولو شي حاجة حتى يثبت العكس. والطاوسي أهم حاجة دار هو تأهيلنا للكان اللي حتى واحد ما كان كيحلم بيه”.

قبل ما ندخلو في النقاش، واش غادي نديو الكاس ولا غادي نرجعو بكري كيف العادة؟
كنظن كل واحد عارف الإمكانيات ديالو، المنتخبات اللي غادا لجنوب إفريقيا ما غاداش تدير السياحة، والمنتخب المغربي منتخب عندو من الإمكانيات اللي تمكنو يدير كان في المستوى.

ملي بداو الاستعدادات في جنوب إفريقيا وحنا كنسمعو هادا مقصح هادا توعت هادا سخف.. واش أمر طبيعي تكون الحالة الجسمانية ديال اللاعبيين في هاد المستوى؟
الإصابات جزء من اللعبة، حيت الإنسان كيلعب يوميا وكيدير مباريات حبية، الإطار الوطني ماشي غريب عليه هاد الشي، دار مجموعة وعارف يمكن يتعرض لهاد الشي، وعندو باش يخرج فريق تنافسي، وباش يحقق الأهداف ديالو.

واش الطاوسي ما غلطش ملي دا معاه غير لاعب واحد إضافي؟
كنظن الغلط فينا حنا، لأن المسؤولية ديال الطاوسي هاديك، ماشي حنا اللي نوريو آش غادي يدير، بحكم هو اللي متبع الفريق من الناحية الفردية والجماعية وساهر عليه من الناحية الطبية والطاقم ديالو، وبالنسبة لينا حنا خاص نتيقو في الطاوسي، وهو اللي مسؤول على اختياراتو.
كل ما يقال قبل لعب الكرة كيتسمها تشويش، وكل حاجة يديرها الطاوسي أنا معاه، حيت هو اللي قريب للمجموعة ديالو، وما غادي نقولو شي حاجة حتى يثبت العكس. والطاوسي أهم حاجة دار هو تأهيلنا للكان اللي حتى واحد ما كان كيحلم بيه.

شي دعوة أخيرة في هاد نهار الجمعة للطاوسي وللمنتخب المغربي.

كنتمنى التوفيق للمنتخب الوطني، وحنا معاه بقلوبنا والدعوات دياولنا باش يرفع راية المغرب في جنوب إفريقيا.

 

ما رأيك؟
أنشر الفيديو إذا أعجبك
أعجبني
لم يعجبني
محايد
التعليقات
3
  1. بوعزة مستجيد

    انتطر رد وزارة التربية الوطنية =بعد ارسال بطاقة تسوية الوضعية-واحصاء01/10/2013

    إجابة

إضافة تعليق