الحمداوي مبليسي… وبييخييييييييير

كتب بواسطة على الساعة 15:08 - 8 يناير 2013

 

تـ: ج.م.م.ك.ق

 

جمال الرياضي
منير الحمداوي مبليسي. هاذ الشي اللي أكدو مصدر من الطاقم التقني ديال المنتخب الوطني لـ«كيفاش». اللاعب المحترف في إيطاليا شعر أمس الاثنين (7 يناير)، بشوية ديال الألم فرجليه، وملي فحصو طبيب الأسود عبد الرزاق هيفتي قال ليه بأنه من الأحسن ليه يرتاح يوم أو يوماين قبل ما يرجع للتداريب خوفا من أن الإصابة ديالو تتحول من بسيطة إلى خطيرة. المصدر نفسه أكد أن حالة الحمداوي ماشي مقلقة، ولكن هيفتي فضل اتخاذ الاحياطات اللازمة. إيوا الله يحد الباس.

ما رأيك؟
أنشر الفيديو إذا أعجبك
أعجبني
لم يعجبني
محايد
التعليقات
0

إضافة تعليق