أكره الطرب الأندلسي!!

كتب بواسطة على الساعة 16:12 - 7 يناير 2013

الفقيه بوصنطيحة

الإخوان واحد الحاجة كتمرضني فالتلفزة المغربية غادي نقولها ليكم، وانتوما قولو لي واش أنا على حق ولا غير كنزيد فيه.

علاش وقت ما كان عندهم في وقت خاوي فالتلفزة كيديرو فيه الطرب الأندلسي؟ أنا هاد القضية كتجيني احتقار للمغاربة، حيت حنا ماشي قبيلة وحدة كلنا كنبغيو الطرب الأندلسي، وزايدون كل منطقة عندها التراث ديالها علاش بالضبط الأندلسي، إلى درجة أنهم رجعوه رمز وطني، وشوية يمكن يردوه مقدس.
وباش نكون واضح معاكم، هاد “الإجبار الأندلسي” هو اللي خلاني كرهت هاد النوع ديال الموسيقى، واخا كيعاودو عليه زوين. كرهتو لأنه كيجيب لي الله مفروض علي. فالعيد الصغير يديروه، وفالعيد الكبير يديروه، وفعاشورا يديروه، ونهار الجمعة يديروه، وملي يكونو الجلسات ديال البرلمان يديروه، وملي يخسر ليهم البارابول يديروه… وبزااااف، ياك ما كلنا من فاس وحنا ما فراسناش؟

تشاو تشاو.

ما رأيك؟
أنشر الفيديو إذا أعجبك
أعجبني
لم يعجبني
محايد
التعليقات
21
  1. عبقندر

    انا متفق معاك انت ما دويتيش عليه كموسيقى يمكن اكون زوين ولكن دويتي على أنه مفروض علينا حيت عاجبهم هوما بحال الفروسية والغولف بحالة كل مغربي عندو عود ولا فيرما ديال الكازو كي لعب فيها الغولف.

    إجابة
    • عبقندريات

      لااااا علاقة…ما هذه العبقندريات ههههه
      عبقندر من الطرب الاندلسي نقز للفروسية (عبقندر الي ولا كيدير الفروسية دابا ماشي هوما) و دغيا ضرب داك الكرة ديال الطرب الاندلسي حيدها عليه من الطريق باش يدوز للكولف بحال الى هو الي كيلعب الكولف ماشي هوما!!!! ههههه
      الموضوع فين و عبقندر فين

      إجابة
  2. m.laarub

    الطرب الأندلسي ماشي ديال فاس أو صافي
    راه ديال الناس اللي جاو من الأندلس
    أو هدو ماكيعيشوش غير ففاس

    إجابة
  3. noor

    mais si la télé marocaine kadir ga3 anwa3 tourat li kaina flmaghrib :a7wach a7idouss ta9tou9a 3bidat rma …etc walkin l andaloussi machi ri dial 9bila wahda wlla mdina wahda kif makay3ta9d ljami3 et c’est faux , plutot c un art qui est trés vague et tu peux dire qu’il est internationa il rassemble 3 cultures” 3 religions “musulmane,juif et chretienne” ce qui lui donne un profil de tolérance ..plusieurs de chose à dire malheureusement ni le tps ni le lieu n’est convenable pour aborder la discussion . Merci

    إجابة
  4. reda

    watta skout ya rass lbassla ach kat3ref fl mossi9a

    إجابة
  5. سهى

    بصح ولكن ملي تيديروه راه تيكونو تيسيقو الاداعة

    إجابة
  6. JerbiL

    لاااا أنا ما متافقش, راه كاينا حكمة تما : إلى داروا الشيخات الناس ديال الجبل و الصحرا يتقلقوا, إلى داروا تويشية دجبلية الناس ديال الوطى يتقلقوا إذن قالوا أجي نديروا شي حاجة أجنبية باش ما يتقلق حد . دايني وها .. و أنت شكون لي قالك هل فاس كيسمعوا الأندلسي ؟ واش بغيتي شباط يتقلق .

    إجابة
  7. الهاكا

    ها العار لمتقولو لي اش باغيين دابا
    انا الهاكا مكلفة بمراقبة احترام التغطية السياسية بالمساواة (بين الحكومة و المعارضة) و مراقبة النوعية السمعية البصرية و ردع كل ما هو مسيئ للاخلاق و الاديان و ما شابه.
    دابا واش بغيتو الهاكا تولي تراقب مدى احترام القطب العمومي للكوطات ديال الاندلسي، الملحون، العيطة، احيدوس، الغرناطي، الشعبي و ما ادراك ما لمزابي ههههه، الراب المغربي، الراي (دارليه…ما دارليا)، الصحراوي (تحت الخيمة)، كناوة و و و و….و لواه عاوتاني هههه

    إجابة
  8. الطرب لمزابي

    اسي لفقيه، علاه شكون الي في هاد المزاليط ديال عبقندر و لمزابي غادي يقول ليك “انا احب الطرب الاندلسي” ههههههه
    واش كاين ا عباد الله شي مزابي ولا عبقندر غادي “يحب الطرب الاندلسي”….هادي بحال هاديك ديال “المختار الشلح” ولا “ايت حماد الجبلي”
    انا بعدا كنحب الطرب الاندلسي مرة في 3 شهور هكاك و الملحون كتر

    إجابة
    • عبقندر

      تكاحز نكاحز فيك ريحت الماعز

      إجابة
      • mzabi امزابي

        الى خفافيش الظلام …..(الطرب لمزابي على سبيل المثال)

        الذين ينبتون في هذا الموقع كالفطر…كل يوم يخرج لنا خفاش باسم مغاير للأول مرة باسم امرأة و مرة باسم رجل… لقد ميعتم الموقع بتعاليقكم الماجنة والكافرة بالآراء و التعاليق الاخرى..

        كفاكم كفرا و غيظا…يقول المثل المغربي ( كن سبع و كولني ) ..لكن للاسف انت واحد من هاته النعاج التي تخاف من ظلها.

        بالله عليكم لماذا تردون على ارائنا و تعاليقنا . لماذا لا تبدون ارائكم كباقي القراء و تبتعدون عن العشوائية التي تهدفون من ورائها ارتفاع مقروئية الموقع.

        بصراحة لقد ميعتم الموقع .. و اصبح كل من هب و دب يدلي بدلوه في أي مقال تنشر فيه تعاليقنا..للأسف تردون على تعاليقنا و تبتعدون عن جوهر الموضوع.

        انا هنا لست للتباهي او اريد ان اخلق معركة مع احد… انا في غنى عن كل هاته التفاهات .. لكن المس بكرامتي… وأهلي ….و قبيلتي لن اتنازل عنهم..مهما كان الثمن…و لن اسمح لأي واحد من هؤلاء البلطجيون و العلوج و اللصوص و الخفافيش ان يمرغوا كرامتي بكلامهم الزنقوي التافه و الذي يضرب في اعراض الناس.

        كرامتي لا تسمح لي بالنزول الى مستوى هؤلاء المنحطين اخلاقيا الذين تزعجهم تعاليقنا انا وباقي القراء الاوفياء الشرفاء لهذا الموقع الطيب….لكن عزة نفسي اكبر من السكوت على ترك هؤلاء يصولون ويجولون…في الرد على تعاليقنا .. ليس اختلافا في الاراء .. و انما المقصود به هو رفع مقروئية هذا الموقع….ان لم اقل الاساءة اليه.

        صح يهمني ارتفاع مقروئية الموقع اذا كانت الاراء و التعاليق تصب في معين النهوض بهذا البلد و مسايرة ركبه الحضاري .. و الثقافي …و المجتمعي…عبر هذا الموقع الجميل لترك بصمة اعلامية رائدة هذا ما نتمناه كقراء اوفياء لهذا الموقع.

        لكن ان نجد اراء و تعاليق لخفافيش لا تظهر الا في الليل و خير دليل على ما اقول…انظروا و لاحظوا معي زمن وساعة نشر تعاليقهم…دائما في الساعة 02 صباحا او 03 صباحا.

        استسمح الصديق المعلق ” عبقندر ” و باقي القراء الذين يحترمون انفسهم و يحترمون الاراء الاخرى…اود ان اقول الى هؤلاء الشرذمة من الخفافيش .. ان امزاب منطقة كباقي مناطق المغرب الحبيب التي نعتز بها من شمالها الى جنوبها…امزاب ليس شخص او قبيلة…امزاب هم ملايين السكان ينتشرون في ربوع المملكة و خارجها..لهم عزة النفس كباقي المغاربة…كفاكم ايها العنصريون من نشر الحقد عبر الاعلام ..كلنا مغاربة من الشمال الى الجنوب..و نعتز بمغربيتنا ..و بكل ثوابتها.

        بتعاليقكم المريضة لستم تسيئون الي كشخص امزابي او الى امزاب…انتم تسيئون الى هذا الموقع … و تسيئون الى مصداقيته و مهنيته .. مع كامل احتراماتي للقيمين عليه…اتوجه بهذا الكلام الى تلك الشرذمة من الخفافيش و البلطجية والعلوج التي تختبئ تحت اسماء مختلفة….هم يعرفون انفسهم جيدا….لأننا تعلمنا انه لي فيه الفز غادي يقفز.

        الى الخفاش المعلق المسمى الطرب لمزابي : الطرب لمزابي بزاف عليك ان تنتحل صفته او تحمل اسمه لانه غني عن كل خفاش مثلك يريد ضرب عرض حائط هذا الثراث المترسخ في الثقافة المغربية … ويكفيك ذكر اغنية واحدة ” العلوة ” هاته الاغنية بمجرد سماعها .. انتم توقعوا البقية…و لكي اغيضك اكثر اود ان اخبرك يا عزيزي ان هاته الاغنية تدرس حاليا في مدرجات المعاهد الفنية .

        اما انت عزيزي الفقيه بوصنطيحة … استاذي في التصنطيح … استسمحك و استسمح في شخصك كل القيمين على هذا الموقع و كذلك باقي القراء الاوفياء الذين يحترمون انفسهم و يحترمون الرأي الاخر… على هذا التعليق او بالأحرى هاته المحاضرة التي فاقت اسطرها مقالكم المحترم اعلاه …قد تبدو للبعض تافهة … لكن فيها حكم و معاني الى من يهمهم الامر من المعلقين في هذا الموقع .

        اود ان اشير سيدي الفقيه ان الطرب الاندلسي الذي تفضلتم بالكلام عنه في مقالكم اعلاه..هو جزء لا يتجزأ من الفن المغربي الاصيل ككل … هو ثراث له عشاقه…ولبه مريدوه…كباقي الفنون الاخرى الامازيغية و الصحراوية و الكناوية و الشرقية نسبة الى المنطقة الشرقية و كذلك الثراث الشعبي الاصيل الذي لا يخدش الحياء كاغاني السندويشات المتواجدة حاليا في الساحة الفنية.

        الخطأ ليس في الذين اخرجوا الطرب الاندلسي الى حيز الوجود…الخطأ في اولائك الذين ليست لهم اذن سميعة .. و لا حس فني اصيل..الطرب الاندلسي ..طرب اصيل كباقي الفنون المغربية الاصيلة الاخرى…شاء من شاء…و ابى من ابى.

        انا لست راقصا و لا طبالا .. ولا براحا و لا ناطقا رسميا لأي جهة… و لقد اعذر من انذر…و ان عدتم عدنا

      • العلوة

        الى السيد المحترم امزابي
        علمت للتو من تعليقك ان العلوة تدرس في اامعاهد الغنية
        ام جد شغوف بهدا الفن و تاريخه فبالله عليك ان تدلني على المعهد الدي يمكنني ولوجه لدراسة فن العلوة
        حاولت البحت في الانترت فلم اجد رقم هاتف او عنوان
        شكرا

  9. الطرب المزابي

    االى لمزابي،
    بداية….عجبتيني في حاجة وحدة…ما ديرتيش copier-coller …و بما انك اجتهدتي اليوم باش تكتب مقال من هاد الحجم غير ببنات افكارك فرا هدا اجتهاد كبير منك و انا كنقدرو…ماشي بحال هداك عبقندر مكيعرفش يكتب 2 جمل مقادين و حدو المعيور…عبقندر=شخص مقزدر
    المهم، خاص تعرف مرة اخرى راني ماشي عنصري قطعا و ماشي جيت هنا باش نخدش المشاعير ديال لمزابيين او غير…انا مزابي نيت…و لكن نسيتي فاش قلت ليك هادي جوج سيمانات “وسع قشابتك” و قلتي لي راها واسعة….و فيناهيا هدا الوسوعية دابا.
    قلتي غادي تغيضني فاش نعرف ان فن العلوة كيدرس في المعاهد الفنية هههه…و منين هكا مالك ماديرش ليك العلوة نيت و نوض نايض و نتا غادي كضيع وقتك في جوج باكالوريات و جوج اجازات…نتا ظاهر لي كيعجبك جوج من الحاجة و صافي ههههه.
    قضية خفافيش عجباتني، مصطلخ جديد غادي يعجب بنكيران…و ايني راك منظر واش من منظر هههه
    و المهم دابا…دوينا ياك…وسير وسع قشابتك عافاك.

    إجابة
  10. مغربية حرة

    قاليك لفقيه لي نتسناو براكتو دخل لجامع ببلغتو بلاصت ما دير لينا شي حاجة مفيدة بحال ديما جبدتي الطرب الأندلسي ونوضتي الفتنة وخليتي القبايل يدابزو هنا في الموقع هادي راها الفتنة اعمي الفقيه والفتنة اشد من القتل نتا مول العقل خاصك تجمع الناس ماشي تفرقهوم على والو والطرب الأندلسي راه زوين للناس لي تيفهمو ليه اولا نتا بغيتي عبيدات الرما من بعد البرلمان والاواه

    إجابة
  11. GHIZLANE

    الطرب الأندلسي هو ما بققي لنا بعد خيبة الاندلس وهو ليس حكرا على مدينة فاس كما ادعيت . وتبقى الموسيقى الاندلسية ثراثا عربيا نعتز به. وانا شخصيا “مزابية” واحب الطرب الاندلسي كما احب العلوة والعيطة المرساوية ٠٠٠٠واذا كانت التلفزة المغربية فقيرة وتملك فقط هذه الاشرطة للطرب الاندلسي فلاتلوموا الموسيقى ولوموا الميزانية

    إجابة
  12. مغربية

    اوا نحمدو الله و نشكروه على القنوات الفضائية الواحد يتفرج فاللي بغا و هادوك الحليقمات الله يسامح فيهم ثليل فين كنتفرجوا فيهم و راه الملحون ليه دوا ارا هاداك المسلسلات المدبلجة بالدارجة المغربية و الله حتى شوهة صافي,

    إجابة
  13. خليل

    غير بغيتي تدخل فاس فهادي، لا علاقة أبوصنطيحة …. الشمال عندنا كلو فيه الأندلسي

    إجابة
  14. ali

    وعلاش كل سبت كيفرعولنا راسنا بالجرة واش كاع المغاربة كتعجبهوم؟

    إجابة
  15. houcinei

    لمادا تصر أن تدخل فاس في كل شيئ ٱلا تعرف أن الطرب الأندلسي منتشر أيضا في الشمال وهو فن راق أم أنك تريد أن نستمع إلى الشيخات أمتال هيفا وناسي وأمتالهم من المغاربة وفي الأخير أتمنى أن تحسن دوقك الموسيقي

    إجابة
  16. دكالية ومن بن يفو

    السلام عليكم اولا الفن أذواق اولا وtv ماشي شرط تفرض على الناس مشاهده كل شي لأنو كاين الإنترنيت تقدر تأخذ راحتك والي ماكيعجبوش الطرب الأندلسي عادي حريه شخصيه لكن لا يفرض رأيه على الآخرين وبالنسبة للقنوات المغربية لازم شويه تغير والسبب هما باش تزرع فكره الملحون وذوو بس بالاعياد او صراحه لازم تنويع أختكم نجوى مقيمه بالبحرين وانا دكالية وتحياتي لجميع المغاربة

    إجابة

إضافة تعليق