الطاوسي حاضي ولادو.. البق ما يزهق

كتب بواسطة على الساعة 13:56 - 7 يناير 2013

تـ: ج.م.م.ك.ق

 

جمال الرياضي

مقر إقامة المنتخب الوطني في جنوب إفريقيا بحال شي قشلة ديال العسكر. كيفاش؟
مصدر من داخل البعثة المغربية أكد لموقع “كيفاش” أن رشيد الطاوسي فارض مراقبة صارمة على اللاعبين ومانع الدخول والخروج من مقر البعثة خارج أوقات التداريب.
الناخب الوطني فارض على اللاعبين باش ينعسو بكري وما كاين لا سهرات لا ذاك الشي اللي على بالنا وبالكم كيفما وقع في معسكر ماربيا قبل كأس إفريقيا اللي دازت.
اللاعبين حتى هوما مسهلين المهمة ديال الطاوسي، على حساب ما نقل المصدر نفسه، حيت إلى حد اليوم ما تسجلات ولو حالة واحدة من عدم الانضباط أو التسيب داخل البعثة المغربية.

هاذ الشي مزيان… إيوا على الله تكون شي نتيجة مزيانة في الكان.

ما رأيك؟
أنشر الفيديو إذا أعجبك
أعجبني
لم يعجبني
محايد
التعليقات
1
  1. amine elbahi

    او مزيان باش ياله يتعلموا مزيان

    إجابة

إضافة تعليق