شكرا أيها البيتبول!!

كتب بواسطة على الساعة 19:17 - 2 يناير 2013

الفقيه بوصنطيحة

إيوا الحمد لله بعدا ملي كاينة شي حاجة كتجمع المعارضة والأغلبية فهاد البلاد. شكرا أيها البيتبول لأنك وحدت كلمة ممثلي الأمة في لجنة الداخلية والجماعات الترابية والسكنى وسياسة المدينة في مجلس النواب٬ فصوتوا بالإجماع على مشروع قانون رقم 56.12 الذي يتعلق بوقاية الأشخاص وحمايتهم من أخطار الكلاب.

ولكن بيناتنا دابا، البيتبول غير الناطق دغيا خرجو ليه القانون باش يمنعو التربية ديالو، إيوا ودوك البيتبولات اللي مربيين وسط المغاربة، دوك اللي طالعين واكلين ونازلين واكلين، وكيعضو الواحد يلا قرب ليهم من النعمة ديالهم آش من قانون غادي يحارب (قلة) التربية ديالهم؟
سؤال للتفكير. جاوبو انتوما.
تشاو تشاو.

ما رأيك؟
أنشر الفيديو إذا أعجبك
أعجبني
لم يعجبني
محايد
التعليقات
7
  1. mzabi امزابي

    هادوك اسي الفقيه راهم ماشي بيتبولات

    هادوك راهم مجاحيم…..و مصاصي الدماء

    تصور معايا شحال كاين من بيتبول في المغرب

    و شحال من مجحوم ايضا

    النموذج الثاني متوفر بكثرة…..الله يلطف بنا

    الى ما كانوش مجهولين…اي مسعورين

    إجابة
    • Caniche Mzabi

      لا احد منا يمكنه التعليق هنا على هذا الموضوع من منطلق الخبرة بالشكل الذي يمكن للمزابي….من كثرة العضات التي تلقاها في صغره و هو ابن البادية الاصيل (و لكن ماشي عروبي عافاكم)، اعتاد لمزابي الشاب اليافع على رؤية الكلاب “المجاحيم” خاصة في الليل حيث تنبح هذه الكلاب على كل من يمر من امامها عذا المزابي بالطبع الذي لا يرضخ لها و كان “يشير” عليها بالحجرة تلوى الاخرى حتى تفر هذه الاخيرة خوفا منه الى قبيلة ولاد حريز المجاورة و تترك قبيلة امزاب تنعم بالسكينة و تعج بالكانيش المزابي اللطيف الانيس.
      و لهذا فنحن في قبيلة ولاد حريز نتمنى التفاتة من السيد لمزابي كي يتدخل في قبيلتنا و باقي مناطق البلاد و يخلصنا من فصيلة البيتبول الوحشية و المجاحيم المجوحمة و يعوضه لنا بالكانيش لمزابي

      إجابة
    • الحسين الفد

      انا لا اصدق…اش هاد المستوى ديال هاد الجوج لمزابي و كانيش مزابي…عار ا عباد الله عار…لمزابي الموقف ديالو ديال شي شرذمة كيتكلم على الكلاب المجاحيم في الوقت الي الموضوع كيتكلم على البيتبول…مالك، اش دارو ليك المجاحيم مساكن؟ دنبهم الوحيد هو انهم دزادو في هاد العالم و دزادو كلاب ضالة كلاب الشوارع و انت ما باغيش ترحمهم واخا هاكاك…ما حشوماش عليك…الموضوع راه على البيتبول (الحيواني و الادمي) الي بغينا نساليو معاه…انا عاد فهمت الموقف ديالك دابا من رشيد الجن و علاش كنتي كدافع على الوزيرة حيث هاداك غير طفل من اطفال الشوارع مسكين ياك….حرام عليك ا سي…و تفكر…ارحموا من في الارض يرحمكم من في السماء…و هاداك المهرج ديال الكانيش مزابي مافهمتوش علاش داوي…باغي يربي الكانيش مزابي و يسالي مع المجاحيم…ما فهمت والو!!!!!!و ما عارفش راه الكانيش براسهم فيهم القباح بحال هاداك البكينوا ولا شنو كيكولو ليه
      باش نجاوبك اسي لفقيه على السؤال ديالك، انا في نظري الحل الوحيد ديال هاد المشكل ديال البيتبول هو نشدو البيتبول و نكروازيوه مع شي كلب اخر واعر عليه باش نخلعو بيه البيتبول و ينعل الشيطان…اش ظهر ليك؟ كتعرف شي برلماني يدير ليهم هذا الاقتراح في البرلمان و يرجعوه قانون؟!!

      إجابة
      • mzabi امزابي

        الى البلطجية السوداويين داخل هذا الموقع
        – راه عقنا بيكم شحال هاذي غير بذلو طريقة التعليق
        – نفس الاسلوب…نفس علامات التعجب…نفس النقط…نفس علامات ؟
        يعني ان المعلق شخص واحد يتكلم بعدة اسماء مرة باسم امرأة
        و مرة باسم رجل و مرة باسم الجماعة و هاته المرة باسم القبيلة
        انت واحد ما منك جوج اما العطاري اما لغزيوي
        الله يعطينا وجوهكم المكرية….بدراهم بخسة
        و لي فيه الفز غادي يقفز … انتما غادين تشوفوا شكون هو هذا العنيبة
        و الله باباكم الى امزاب بزاف عليكم…..ايها العنصريون
        الشرذمة الناقصة…و لي راجل فيكم يرد….انذاك سنعرف من هم هؤلاء العنيبات و الموسطاشات الذين يختفون وراء هذا الموقع

      • ملاحظ

        أنا غير متتبع ديال الموقع و ضحكوني هاد المسطيين.
        غير الي لفت انتباهي هو ان لمزابي كيستعمل نفس النقط…و علامات ؟
        و السلام على الجميع

  2. عبقندر

    قرار عجبني واخا حنا ديما معطلين خاص شحال من واحد تمشي ليه ايدو ورجلو وحنكو عاد نمنعوه. اما بالنسبة لبيتبولة اللي قلتو أسي الفقيه هادوك راه هوما التماسيح اللي كي دوي عليهم رئيس الحكومة ولكن راهم آنفيزيبل ما كي تشافوش كيما قال هو. وتبارك الله عليك راشقة ليك هاد يوماين على الكتابة

    إجابة
  3. BRAD PITBULL

    البيتبول طلع كلب غزال منين وحد كلمة الاغلبية و المعارضة…هذا خاصنا نقول ليه شكرا “براد بيتبول”!!

    إجابة

إضافة تعليق