سفيان خيرات.. وبروبليم أعشيري!!

كتب بواسطة على الساعة 11:38 - 2 يناير 2013

الفقيه بوصنطيحة

والله يا الخوت، وما تسالوني حلوف، يلا السي سفيان خيرات، ديال الاتحاد الاشتراكي، جاب لي الشقيقة ملي شفتو فالتلفزة. الدري، اللي غابر على المغرب، بان بحال شي واحد لاعب ماتش ديال الكرة، والفينال كاع، وبغى يماركي على مصطفى الخلفي فالدقيقة الأولى باش يضمن الربحة.

المشكل ماشي فالواحد يبغي يبين راسو، ولكن راه لا بد من شوية ديال اللباقة فالهضرة. كاين الفرق بين سياسي كيبغي يقلي السم للعديان ديالو، زعما الخصوم، وبين واحد كيهضر بطريقة ما فيهاش الصواب بزاف.
على ما كنعرفو الاتحاديين عندهم الخبرة فهاد الشي ديال قليان السم، ولكن عندهم اللسان الحلو. حسن طارق مثلا، ولا المهدي مزواري، ولا عبد الحميد الجماهري، ولا إدريس لشكر براسو، كيوزنو كلامهم قبل ما يقولو شي حاجة، باش الناس ما يقولوش أعوذ بالله منهم، ولكن وصلنا حتى لسفيان خيرات وحلينا فمنا… وفوق من هاد الشي كامل الدري خاصو الميزاجور، حيت كيبان قدييييييم فالتحليل ديالو… يلا فتي ليه التجربة ديال التناوب تلف ليه كلشي.
تشاو تشاو.

ما رأيك؟
أنشر الفيديو إذا أعجبك
أعجبني
لم يعجبني
محايد
التعليقات
11
  1. عبقندر

    هذا يلخص حال الاتحاد الاشتراكي ونتيجة عادية نشوفو شي حد بهاد المستوى كي ناقش باسم الحزب على شاشة التلفزيون. انا سالا معايا غير بستيلو وورقة باغي بان زعمة مجتهد

    إجابة
  2. مزابية

    لم اتابع الحلقة و بالرغم من احترامي و تقتي في تحليل السي الفقيه الا انني اليوم و على غير عادتي سافوض تعليقي لابن عمومتي امزابي…و بالتالي فانا اترك واسع النظر للمزابي للتعليق على المدعو سفيان خيرات و فقط على هذا الاخير.
    بمعنى اخر، تفويض مقيض حتى لا يخرج المزابي عن الموضوع.

    إجابة
  3. مزابي خيرات

    اسي الفقيه، و تانا ما تسالني حلوف، راني ما قريت المقال ديال اليوم غير ب66 كشيفة…السبب بسيط…ما عنديش مع الكلمة ديال “عشيري” في العنوان و معمري استعملتها و لا غادي انستعملها…بالنسبة ليا هادي كلمة “مقزدرة” لا ينطق بها الا عبقندر مقزدر!!
    فيما يخص، سفيان خيرات، فاسمه العائلي يكفي، سميتو خيرات…واش غادي دير؟!!!فين عمرك شفتي شي خيرات غادي يتكلم بالتي هي احسن و بتاني و رزانة!!!واخا تكون سميتو حتا مزابي خيرات كاع!!!!

    إجابة
    • عبقندر

      اوا اعشيري اللهما مقصدر ولا مرعود بحال لوليات كل مرة ندخل بسمية. فهمتي العشرة

      إجابة
      • mzabi امزابي

        اسي عبقندر

        راه ماشي غير لوليات
        راه كثروا ايضا حتى الموسطاشات…و العنيبات
        و العلوج و البلطجية…انت و انا راه حنا عارفينهم
        بلا ما تصدع راسك مع بوزبال…عبر على رايك كيف ما بغيتي
        ما دمنا في دولة الحق و القانون و حرية التعبير و الراي الاخر لي ما كاي امنوش بيه مثل هؤلاء لوليات و الموسطاشات و العنيبات و البلطجية و العلوج
        ” انت وانا اعرف و الكل يعرف جواب السفيه….”
        و ها انت غادي تشوف لي فيه الفز غادي يقفز….تحياتي اسي عبقندر

  4. fatima

    ana chaft lhal9a kamla assayd mkachkech, o ba9i 3aych fi 1998

    إجابة
  5. وليدي wlidi

    واييه ولله ما كذبتي يا راس الكركاعة .. هاد خيرات مبرهش بزااف وما مربيش .

    إجابة
  6. HAMID

    اسي الفقيه رضوان خيرات،
    السي مزابي خيرات عندو الحق…ساهل باش ننتقدو الناس و لكن دير راسك سميتك رضوان خيرات…غير تخيلها عافاك في البرنامج الماجي ديال قفص الاتهام و فرجنا كيفاش غادي تهضر مع الضبف ديالك…تغيير غادي يكون جدري…نتمنى غير متلوحش الضيف ديالكم من الشرجم اللي كيطل على الزنقة…و لهذا انا كنضن باللي الديفو راه ماشي من سفيان…الديفو راه من عبد الهادي.

    إجابة
  7. sakhir

    kan sakran broblim a 3chiri

    إجابة
  8. khairat

    وا مسماوك بوسينطيحة حتى عرفوك راس مالك غير تسنطيح و السيد سفيان خيرات انسان متقف جدا و عندو ميقول اما نتا حاضي ليا بنادم اش كيدير

    إجابة
  9. hicham

    slm fakertouni fih wa hadak khirat 3ando l voulume zayd fih bezaaaaaf had chi lif ghir leghwat

    إجابة

إضافة تعليق