شفروني العفاريت

كتب بواسطة على الساعة 21:20 - 30 ديسمبر 2012

ميستر بين كيران

شي وحدين كيقولو ما كاينش الأمن، وكيهاجموني، أنا ما بيدي والو والدليل شفرو ليا المكتب ديالي.

ولكن هاد القضية ماشي ديال شي شفار عادي، هادي ما يديروها غير شي عفاريت. أنا السبب بقيت كنقول العفاريت في البرلمان، وما قلتش التسليم، وما ضربتش الحساب، حتى سكنو ليا في المقر ديال الحزب. التسليم التسليم يا أهل المكان، أنا مسلم طالب التسليم.

الصراحة وليت خايف حتى أنا نكون مسكون بشي عفريت، وليت نغوت غير بوحدي، وكتضربني الفيقة في نصاصات الليل ونحل الأنترنت ونتأكد باللي راني مازال رئيس حكومة. وكيجيني بوشباط في الحلم وكيقجني ويدي ليا كرسي الحكومة. وشي مرات كنحلم بجبهة كبيرة غادي تخرج ليا، وكنشوف لشكر كيضحك عليا. وراهم قالو ليا هادو هوما علامات واحد سكنوه العفاريت. تسليييييييم.

المهم غادي نزور القبة هاد الأيام وندي ليهم الشمع و”القوالب” ديال السكر، ونشوفو مع الفقيه بوصنطيحة يبخر لينا المحال ديال الحزب، وندويو مع مادموزيل الشوافة دير لينا شي حجاب، راه هاد الشي ولى خالعني.

فهمتيني ولا لا؟

ما رأيك؟
أنشر الفيديو إذا أعجبك
أعجبني
لم يعجبني
محايد
التعليقات
1
  1. Doukkali Ghost

    غاااااية في السرية و غير بيني و بينك الفقيه عافاك:
    علمت من مصادر جد مطلعة من بعض الاصدقاء القدامى في الامانة العامة للبجيدي ان الاخوان حلوا ببيت عبدالاله و على عجل في البارحة لما تلقوا نباء تفاقم وضعه….و بعض قراءة الرقية الشرعية عليه كلمهم عفريت يسكنه و يرفض التخلي عنه….هذا العفريت افصح عن هويته و اعترف كذلك ان لا شباط و لا لشكر بل “شيخا” سوسيا سخره على عبدالاله…و لقد اصبح حزب المصباح يعيش حالة جد صعبة قد تؤدي الى انشقاقه بسبب الشكوك حول العثماني الذي قد يكون وراء هذا العمل.
    لنا عودة في البعض .

    إجابة

إضافة تعليق