صاحب الصفحات الفضائحية “سكوب ماروك” في حوار مع كيفاش: ما كنظلمش الدريات وملي يشدونا البوليس غادي تولي هضرة أخرى!!

كتب بواسطة على الساعة 10:35 - 27 ديسمبر 2012

 

محمد محلا

القضية حامضة مع مول صفحات “سكوب مراكش”، السيد راكب راسو وما بغايش يتفاك، إذ أوضح، في حوار حصري مع موقع “كيفاش”، أنه “يلا تشد غادي تولي هضرة أخرى”، مشيرا إلى أن الذين يقفون وراء الصفحات هم “ولاد وبنات”.
المشرف على الصفحة، الذي لم يفصح عن هويته، كشف، في رد غريب، عن تخوفه لا ما يبقاوش أمهات الغد.
هاد الشي عجيب.

علاش كدير دوك الصور لشي بنات؟
آ خويا ما تنديرش التصاور لشي فتيات كيف ما قلتي، واش بنات الناس اللي داخلة سوق راسها ومربيينها واليديها غادي يهضر عليها شي واحد؟ بطبيعة الحال لا، حيت أصلا ما غاديش يشوفوها في الصفحة اللي هي مخصصة لبنات قليلات الأصل اللي خارجين رجليهم الشواري.

واش ما كتشوفش باللي شي دريات غير مظلومات وكيمشيو بذنب ارتكبوه دريات أخريات؟
حتى وحدة ما تنلوحها مظلومة، أنا ما كنحط شي وحدة حتى نتيقن من شي مصادر موثوقة.

منين كيجيوك المعطيات؟
هاد السؤال ما غاديش نجاوب عليه.

كيفاش تقرصنو ليك الصفحات لخرين اللي درتي؟
الصفحات تقرصنو وصافي، هادي ما غاديش نعطيك عليها تفاصيل.

واش ما خايفش البوليس يلقيو عليك القبض؟
يلا قبطونا البوليس وعرفونا ولاد وبنات، من هادي تولي هضرة أخرى.

آش بغيتي توصل من هاد الصفحات اللي كدير؟
الرسالة اللي بغيت نوصل للشعب عن طريق الصفحة هو باللي خاص لواليدين يحضيو بناتهم، راه هاد الشي كثر وولى كيخوف وولينا خايفين ما نلقاوش أمهات الغد.

ما رأيك؟
أنشر الفيديو إذا أعجبك
أعجبني
لم يعجبني
محايد
التعليقات
6
  1. younes

    hada rah 7afya liiiiiiiiiiiiiiiih ma3ndo chghoool rak ghir katzid lfitna ta9a lahe

    إجابة
  2. حقيقى

    عندو حق ما تقول غير حقيق ان نيت باغى نتجوج او ملقى كولشي باغى زنى او فلوس

    إجابة
  3. mostafa

    qlq1 devais filmer sa mere et son pere avant leur marriage et partager le film sur youtube et facebook…. comme ca il comprendras la connerie kil est entrain de faire

    إجابة
  4. sara

    bravo khoya rbi y3awnk o9lbona m3ak

    إجابة
  5. Lghayour

    خاص لواليدين يحضيو بناتهم

    Surveiller uniquement les filles ? et les garçons non ? pas besoin

    Quand une fille commet une bêtise, je pense que c’est AVEC UN garçon, à cause d’un garçon, suite aux promesse d’un garçon, ou suite aux intimidation par un garçon, ou suite aux provocations, ou suite …

    Filles et garçons manquent d’éducation ces dernières années

    إجابة
  6. سمية

    في نظرك زعما خايف مايبقاوش امهات الغد وراه حنا البنات براسنا ولينا خايفين مايبقاوش اباء الغد اباء صالحين ناضجين متخلقين ومسؤولين ولي يقدروا يبنيو بيت ويكونوا جيل المسؤولية على عاتق الطرفين وكنظن ان هذا ماشي حل غادي تحل بيه مشكل الفساد الاخلاقي والبنت لي كدير الرذيلة ماكاديرهاش راسها كاذيرها مع ولد اذن كيف ما نحاسبو البنت نحاسبو الولد وماكايناش القضية ديال الراجل كيبقى راجل هادي غير هدرة خاوية نهار ربي حرم الزنا حرمه على الرجال والنساء سواسية اضافة علاش الولد كيمشي يطوطح حتى يعيا ونهار يبغي يتزوج يقلب على بنت دارهم كون انت بعدا ولد داركم وولد الناس ومتعفف عاد قلب على بنت دارهم وحيث نساو ان الخبيثون للخبيثاث

    إجابة

إضافة تعليق