رشيد الطاوسي يتلقى الصفعات.. 5 لاعبين يقولون «لا» للمنتخب الوطني!

كتب بواسطة على الساعة 12:10 - 24 ديسمبر 2012

 

جمال الرياضي

ما حدها تقاقي وهي تزيد في البيض. 5 لاعبين رفضوا الدفاع عن قميص المنتخب الوطني في كأس إفريقيا.
إلى حدود أمس الأحد (24 دجنبر)، رشيد الطاوسي، المدرب الوطني، تلقى 3 ديال التصرفيقات، فعادل تاعرابت سيفط «إس .إم.إس» كيقول فيها بأنه ما غاديش يكون حاضر في الكان، كريتيان بصير طفا التليفون ديالو في وجه رشيد بنمحمود ووليد الركراكي اللي مشاو عندو لتركيا باش يقنعوه بالمشاركة، أما مروان الشماخ فرفض يستقطل الطاوسي ومدرب حراس المنتخب سعيد بادو اللي مشاو عندو لإنجلترا. باراكا عليكم ولا نزيدوكم؟
البارح في العشية، واليوم الاثنين (25 دجنبر) في الصباح تلقى الطاوسي 2 تصرفيقات جداد. الحارس أمسيف اتصل بالناخب الوطني وقال ليه بأنه كيفضل يبقى مع الفريق ديالو أوكسبورغ على الذهاب مع الأسود إلى جنوب إفريقيا. قبل ما يفيق الطاوسي من الصدمة اتصل بيه لبيض، لاعب سبورتينغ لشبونة، وقال ليه حتى هو أنه ما باغيش يمشي لكأس إفريقيا. وما زال العاطي يعطي. في الأيام اللي جاية باينة غادي نتلقاو صدمات جديدة، إيوا الله يحد الباس وصافي.

ما رأيك؟
أنشر الفيديو إذا أعجبك
أعجبني
لم يعجبني
محايد
التعليقات
13
  1. m.laarub

    هذي ماتكون غير بداية النحس ديال 2013

    إجابة
  2. مالك الهلالي

    هذا دليل قاطع على انعدام الروح الوطنية {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}

    إجابة
  3. med Boubakkar

    عطا الله لعبا المحلين….

    إجابة
  4. AZIZ

    bezzaf 3lihom l montakhab.. 3ta llah le3aba.. ila l amam laaa rijouuu3

    إجابة
  5. Nafiai

    Hessen Niet. Mayehemeroche lewejehe.

    إجابة
  6. فورارية

    ولانهاية العالم الكروي (الأفريقي)/….. باينة المعنى غير الله إحدر السلامة

    إجابة
  7. m geneto

    الماء و الشطابة
    حتى واحد فيهوم ما كيحمر لوجه احسن ما دارو

    إجابة
  8. محمد اليعقوبي

    الماء والشطابة حتى القاع البحار .أش اعطو هدا اللعابة للمنتخب؟ غير خيبة أمل .
    أقول لرشيد الطاوسي اعتمد على اللاعبين المحليين وما كيهمناش كأس 2012 ولكن بغين كأس2013
    وانسى هدوك اللاعابةاللي كيجو غير باش ايبانوا ونفخوهم بعض الصحفيين اللي كيزردو؟

    إجابة
  9. wahed men lmaghrib

    wlah daro fina khair had le33aba kamlin li medkourin hnaya hta wahed fihom maystahel ikhoun m3a lmontakhab . achmen chemmakh ola ta3rabt …. itafrouh ghi m3a fra9ihom be3da lmontakhab bezzaf 3lihom . la hawla wala 9owata illa bilahh

    إجابة
  10. ايوب

    chamakh taarabt bassir daro mazyan mali majawch … zakaria lbyad o amssif la3aba mazyanin mountakhab ghadi ikhsserhom … walakin tawssi khass tkoun 3andou personnalité solide li mabghach lah i3awno ra howa le maitre à board

    إجابة
  11. AHMAD

    MAFIHPMCH RO7 ALWATAN
    YAWAMAKAYSWACH

    إجابة

إضافة تعليق