فريطس صاحب فيلم “القانون لا يحمي العذارى”: المغاربة عندهم مشكل مع راسهم (تسجيل)

كتب بواسطة على الساعة 17:27 - 14 ديسمبر 2012

محمود فريطس، صاحب فيلم “القانون لا يحمي العذارى”

محمد محلا
السيد خرج ليها نيشان. محمود فريطس، المخرج السينمائي الذي أحدث ضجة بفيلم قصير تحت عنوان “القانون لا يحمي العذارى”، واللي فيه لقطة صدمت البعض، قال باللي ما كيديرش أفلام ديال العرا بحال زينون، داك الشي علاش ما عطاهش المركز السينمائي الدعم. فريطس، في حوار مع موقع “كيفاش”، كشف أن فيلمه، إن اكتمل، لن يعرض في المغرب، حيث يوجد مغتصبو الأفكار والبنات، على حد تعبيره.

السي فريطس مبروك الفيلم الجديد.
هاداك فيلم قصير مازال ما ولى فيلم.

هاد الشي كامل غير قصير؟
هاداك غير ولد الفيلم، الفيلم باقي ما خرج، هادا غير إشهار.

المغاربة عندهم مشكل مع العذرية وأنت مشيتي حكيتي ليهم على الدبرة. كيفاش زعما؟
المغاربة يا خويا عندهم مشكل مع راسهم ومع نفسهم، ما مصالحينش راسهم.

وبزاف اللي كيهاجموك هاد الأيام على ود هاد الفيلم؟
واش عمرك شفتي 62 ألف واحد كيعاير وحتى واحد ما كيشكر، وأنا دخلت بيدي أنا وولادي وكتبنا في واحد الموقع باللي هاداك المخرج راه مزيان وزورناها شوية وما دازتش، وعلاش؟ بغينا نجربوهم، واكتشفنا أن أي حاجة إيجابية كيحيدوها وكيخليو غير السلبية، هادوك الناس ما شي معقولين.

الفيلم ديال “القانون لا يحمي العذارى” راه قاصح شوية وصدمتي بزاف ديال الناس بواحد اللقطة في شكل. واش ما خفتيش يتهجمو عليك شي وحدين؟
لا، أنا ما كنخافش من الحبس وما كنخافش من الموت.

علاش حتى أنت ما درتيش شي فيلم فيه شوية ديال الجنس وهنيتي راسك من هاد المواضيع اللي كيخافو منها المغاربة؟
الأفلام ديال الجنس كيديروها صحاب الدعم، الأفلام ديال المركز السينمائي هوما اللي كيبغيو داك الشي ديال الجنس والعرا.

وأنت ما خديتيش الفلوس ولا ما غاديش تاخد الفلوس؟
لا لا، حيت ما بغيتش ندير داك الشي ما عطاونيش، أما فاش كتدير داك التسلكيط وتخرج بحال زينون باغي الجسم ديال المرأة يتعرا، والفيلم “زيرو”، اللي كنعتابرو زيرو نيت، أنا ما نقدرش ندير داك الشي، ماشي حشمت ولا عيب، باقي ما كتبتش شي سيناريو اللي فيه لقطات مبررة، أما نشد ممثل بحال سعيد باي ونعريه راه عيب داك الشي، وبالأخص يلا كان السيناريو خاوي.

إيمتا غادي يكمل عندك الفيلم باش نقدرو نشوفوه؟
لا هاد الفيلم ما غاديش يتعرض للمغاربة.

علاش؟
هاد الفيلم يتعرض في أي دولة، المغاربة ممنوعين منو، حيت ما مصالحينش مع راسهم. وهاد الفيلم يالاه دعوة باش يجيو يتفرجو في الفيلم نزلو كيعايرو، يا الكافر يا ولد لحرام، عمرك شفتي شي حد كيعرض على شي واحد كيعايرو؟ نعرض على الناس يشوفوه ويعايروني؟

وفين تعرضو؟
نعرضو عند الناس اللي عندهم عقلهم واللي كيعتابرو بأن المغتصب مجرم، أما الناس اللي فرحانين بالمغتصب وكيتمناو يكونو مغتصبين وكل واحد كنهضر معاه كيقول راني ساليت مع عشرة ديال البنات، وكيفتاخرو بعدد مرات الاغتصاب. هاد الناس مغتصبون، سواء مغتصبو بنات أو مغتصبو أفكار، ما حقش ليهم يتفرجو فيه، ما كيفهمولوش.

 

ما رأيك؟
أنشر الفيديو إذا أعجبك
أعجبني
لم يعجبني
محايد
التعليقات
5
  1. mzabi امزابي

    و شهد شاهد من اهلها

    كل المخرجين المغاربة عندهم مشكل مع راسهم

    اشنو رايك اسي فريطيبس

    إجابة
  2. yassin torino

    sir nta filmk tharko ..ila konti ghadban 3la lmgharba hta nta ghadi yaghdab 3lik rabi 3lah had chi lidayr kayrdi allah ..hta nta nzidk 3la sahb ziro wabna9ss minkm

    إجابة
  3. leila

    limghrba mchi chi mochkil m3ara rasshoum limghrba mounafinik w e3andhoum tanakoud we tay3ichou sidam f ildakhil dyalhoum we ila bghti twajhoum maatyrdawhc na3tik aghlab hadou li tay3ayrouk tlkahoum akhbath w eanjass ilnass f tassarouiftahoum w e taldra talkahoum 3andhoium 3okad jinssiya w eyi3tiw ilnasih w eilwa3d w ehouma makboutinn nous sommes un peuple fristrée sexuelemnt politiquement frustré dans tous les sens et par tous normal un pays du tiers monde ou la terreure de barbu regne et du gouverneur regne et du masculin regne et du mkhazni regne meme mijr f sbitar fais sa loi alors!

    إجابة
  4. fatima ezzahra

    3lach katkoulo haka had film meziyan kihdar 3la le9i3 kidiro roskoum be3ad 3la hadchi netouma kat3ichoh katechofouh aw la wlh hta baz koul nehar kanesm3ou jarima retisab aw la wla had zeman hta haja mabe9at_ fiha sarha koulna kanafe9o rousna bon chanse si feritise :
    l “‘

    إجابة
  5. بشرى

    واش هذ المخرجين مبغاش يهديهم الله . الله يلعنو قوم.غير لتكبت اولى سخن عليه راسو ينود يدير هذ الافلام

    إجابة

إضافة تعليق