خديجة الزومي لـ كيفاش: وزير الصحة يعاني مجموعة عقد والحكومة عندها انفصام (تسجيل صوتي)

كتب بواسطة على الساعة 13:21 - 7 ديسمبر 2012

خديجة الزومي

 

محمد محلا

صحاب حزب الاستقلال خرجو الأسلحة الثقيلة في وجه حكومة عبد الإله بنكيران، ولكن كيقولو عليها تقنية. خديجة الزومي، القيادية في الاتحاد العام للشغالين بالمغرب، الذراع النقابي لحزب الاستقلال، قالت إنها لا تعيش انفصاما سياسيا، في هذا الجو من المشاحنات داخل الأغلبية، كما ردت على وزير الصحة، الذي قال إن 50 في المائة من الغرفة الثانية عندهم اضطرابات نفسية، بالقول: “وزير الصحة يعاني من مجموعة من العقد”.
الزومي، في حوارها مع موقع “كيفاش”، أوضحت أنها لا زالت تفكر في الترشيح لقيادة الاتحاد العام للشغالين بالمغرب، وقالت: “هادي مسألة فيها شوية ديال المباحثات مع الناس اللي قرابين لي، ومع القواعد، ونشوف الحضوض واش متوفرة، ولكن حنا ديما كنقولو مبروك العيد”.
هاد مبروك العيد ماعرفت شكوووووون كيقولها ديما، اه كيقولها شباط.

 

لالة خديجة ما يكون باس عندك سمعناك عيانة شي شوية؟
لا لا، أنا بيخير الحمد لله.

قالو لينا الله يحد الباس جاك داك الشي ديال الانفصام السياسي؟؟؟
ماشي أنا اللي جاني الانفصام السياسي، النقاش الذي يدور يوحي بأنه كاين شي انفصام بين المكونات ديال الحكومة. مثلا الحكومة تقول إنها تنزل الدستور في إطار تشاركي، في حين أنها لا تشرك النقابات في قانون المالية قبل أن يوضع في البرلمان، تتحدث الحكومة عن محاربة اقتصاد الريع في وقت توزع فيه رخص للنقل المزدوج، تقول إنها ستقضي على الفساد ثم تقول عفا الله عما سلف… لهذا أقول انفصام سياسي، وأنا لا أعيشه بل نحس أن هناك شيء ما مفقود في حلقة هذا النقاش الدائر.

هي وزير الصحة كان عندو الحق ملي قال 50 في المائة من الغرفة الثانية عندهم اضطرابات نفسية؟
وزير الصحة اللي قال 50 في المائة من الغرفة الثانية عندهم اضطرابات أنا كنقول لو بعدا هو كيعاني من مجموعة من العقد.

ولاو الاستقلاليين بحال غير دايرين الأغلبية بزز وخلاص. مالكم ياك لاباس؟
حنا دايرين الأغلبية ديال المعقول، وملي كتكون الأغلبية ديال المعقول كتكون فيها صراحة، الذي يحب جيدا يلوم جيدا. عندما أناقشك لا يعني أنني ضدك، لكن أنا أثري النقاش وأساهم في إغنائه، التحالف مسألة سياسية، والنقاش يجب أن يكون تقنيا، وأن يكون موضوعيا، ما يمكنش للأغلبية تصفق على أي حاجة جابها رئيس الحكومة، ولكن لا بد أن نقول رأينا فيها، ما يمكنش توسعت مساحة كبيرة ديال حقوق الإنسان وتجي تقول لي ما عندكش الحق تناقش ولا علاش تناقشتي لأنك أنت في الأغلبية.

واش نبداو نقولو مبروك الاتحاد العام للشغالين بالمغرب غادي ترأسو امرأة، وهي أول امراة رئيسة نقابة في المغرب؟
مازال ما حسمنا في هاد الشي ديال الترشيحات.

ما كاينش الحسم الأخير؟
لا ماشي الحسم، هادي مسألة فيها شوية ديال المباحثات مع الناس اللي قرابين ليا، ومع القواعد، ونشوف الحظوظ ديالي واش متوفرة، ولكن حنا ديما كنقولو مبروك العيد (تضحك).

أتمنى باش نكونو في مغرب حداثي وكنآمنو بالقدرات النسائية، ولكن يلا كنت في المستوى ونقدر ندير هاد العملية، لأنها مسؤولية تاريخية، إما نقدر نجح المرأة في التربع على المسؤوليات أو لا، يلا كنت نقدر الله يسخر ويلا ما كنتش الله يبعدني عليها.

 

ما رأيك؟
أنشر الفيديو إذا أعجبك
أعجبني
لم يعجبني
محايد
التعليقات
7
  1. EL MARROKI

    إن لم تستحي ف إصنع ما شئت
    الله ينصر الشعب و العدالة والتنمية على حزب الإستغلال الفاشل

    إجابة
  2. rima

    on dirait une boniche aucune culture elle n est pas instruite ,tres mal habillée, tellement de couleur sa prouve son negligence , ou va le maroc, nous devons réagir il est tant,mane haba wa dabe ka ya3male siyassa

    إجابة
  3. ibrahim

    appariement cette personne n’est pas normale elle souffre d’une schisophrenie i

    إجابة
  4. aziz

    la politique est une culture noble cette ZOUMI doit apprendre a parler et etre à la hauteur de la représentation mais agir de cette façon et faire ces déclarations montrent quelle est effectivement sans niveau politique

    إجابة
  5. brahim

    comme son parrain elle mélange politique et syndicat

    إجابة
  6. mehdi

    تجاوزك الزمن السياسي والنقابي اللا خدوج.انت غير قادرة على تسيير جمعية فما بالك بنقابة.

    إجابة
  7. albouzidi

    إن الإتحاد العام قد أصابته الأزمة الكبرى في الجهة التي تشرف عليها هذه المستشارة ككاتبة وطنية . لقد أجهزت عليه بتدبيرها الفاشل وأفكارها الإقصائية . فهي لا تومن إلا بمصلحتها الشخصية وقضاء حوائجها . وهكذا نجدها تعين الكتاب الإقليميين بعيدة كل البعد عن الجموع العامة ، وتتحدث مع المناضلين وكأنها تتحدث مع عبيد في مزرعتها .
    لقد حان الوقت لمنحها المعاش لأنها استفادت الكثير . ولأن المرحلة ليست لأمثالها

    إجابة

إضافة تعليق