التأويل الديمقراطي.. لحشيان الهضرة!!

كتب بواسطة على الساعة 12:16 - 5 ديسمبر 2012

الفقيه بوصنطيحة

يلا كان داك الشي اللي قرينا فالصحافة، ديال المناكرة بين بنكيران وشباط، بصح، راه مصيبة كبيرة. آش هاد المستوى اللي وصلنا ليه؟ ولاو الزعماء ديالنا كيجتمعو باش يناقشو… حشيان الهضرة. ها ويلي، ها ويلي، ها ويلي، آش هاد الفضيحة.

واش دابا البلاد هاد الشي اللي ناقصها؟ بنكيران لسانو ماضي، وشباط قال ليه ما كتعرفش، والسياسة مشات كفتة بيناتهم.
ديما كنقولو يا عباد الله هزو شوية النيفو، راه هاد الشي اللي غاديين فيه ما كيفرحش، راه كتضحكو فيكم الشعب، ويلا ضحك الشعب ما يسحابش ليكم راه فرحان بيكم… راه كيتسناكم فالدورة… وملي توصل الانتخابات بقاو كتبكيو علينا ثاني، وقولو نسبة المشاركة قليلة. اللي دارها بيديه، ولا لسانو، يفكها بسنيه.
تشاو تشاو.

ما رأيك؟
أنشر الفيديو إذا أعجبك
أعجبني
لم يعجبني
محايد
التعليقات
7
  1. عبقندر

    هاويلي يا ويلي حي هههههههه

    إجابة
  2. مغربية حرة

    من واحد الناحية اسي لفقيه عندك الحق وكلامك ماخطاه صواب على رأي خونا حديدان ولكن من ناحية اخرى راه الناس لي كانو قبل جابو لينا الملل
    ومابقيناش باغي نتبعو لا اخبار سياسة بلادنا لا انتخابات اما دابا الحمد لله حكومتنا بنت الشعب ومن الشعب وإلى الشعب و خاصة مني تزاد السي شباط مش حتقدر تغمض عنيك والله يرحم من قال تشاو تشاو

    إجابة
  3. fatima

    ila makhaft nkdab wa9ila monsieur chabat howa eli khasso ihaz niveau dyalo chwiya.

    إجابة
  4. fatima

    kolna 9rin ahadak chi eli 9riti a lf9ih bousntiha o ila makhaft nkdab monsieur chabat sahib akbar santiha howa eli khasso ihaz niveau dyalo chwiya.

    إجابة
  5. عبقندر

    لنكن واقعيين ومتفقين السياسيين مجرد كومبرس في فلم كبير وكلما شاركو في كثير من الأفلام زاد دخلهم

    إجابة
  6. mzabi امزابي

    اسي الفقيه

    الى كان هما لسانهم طويل و قبيح……و كون سبع و كولني
    ياك هذا شعارك ….. اوانا خاطئ

    الحاصول هاذ السياسين راهم دايرين فينا ما بغاو… لحقاش السلطة الرابعة لي هي الصحافة و الاعلام بصفة عامة…….داربها بنعسة لانه
    شارب من بزولة هاد السياسيين.

    الحاصول اسي الفقيه الله يلطف ببلادنا و الله ينصر ملكنا محمد السادس..

    ….و من غيرو كلشي كذاب

    إجابة
  7. [email protected]

    allah ysslek al omour a la khayer

    إجابة

إضافة تعليق