مارتيل.. بن لادن في شبكة للدعارة!!

كتب بواسطة على الساعة 11:15 - 4 ديسمبر 2012

 

أحمد الحاضي (تطوان)

بن لادن عاود حيا وعاودو شدوه، هاد المرة ماشي فباكستان ولا أفغانستان، لكن في مدينة مرتيل الساحلية الجميلة في شمال المغرب. كيفاش؟
المصالح الأمنية في تطوان ومرتيل منوضينها بيناتهم هاد الأيام، كل واحد باغي يبين حنت يديه، الأمر الذي جعل الشرطة القضائية لمرتيل تتحرك نهاية الأسبوع الماضي لتفكيك شبكة للدعارة، واعتقال المتورطين فيها من الخارج والداخل، أي اللي كانوا فالديور واللي كانوا على برا. وتمكنت المصالح الأمنية من اعتقال ثلاث فتيات وشابين في منزل، كانوا في “قصارة” ليلية، فيما اعتقل ابن صاحب العمارة التي توجد فيها الشقة، وكذلك الوسيط المعني.
بن لادن المرتيلي لا علاقة له بالدين ولا بالجهاد، فله جهاده الخاص في البحث عن زبناء وتوفير منازل للدعارة، بتجزئة كريمة في عمارة مكونة من عشر منازل تعد كلها لمثل هاته الأمور، الرجل بلحيته الطويلة لا يوحي مشهده أنه وراء شبكة للدعارة، بل قد يكون وراء شبكة جهادية أو استشهادية، لكنه بن لادن من نوع آخر، تربصت به الشرطة حتى جابتو في الشبكة، رغم أنه كان حاضي راسو هادي شحال، لكن هاد المرة سقط وموحال ينوض موراها على ما يبدو.
المصالح الأمنية في مرتيل اللي ما زال ما فاقت من الدقة اللي خداتها الأسبوع المنصرم من شرطة تطوان، اللي جات تخدم فبلاصتها في مرتيل، تحركت هاد الأسبوع وجاءت بصيد مهم كان مثار نقاش في المدينة، على الأقل دارو شي حاجة مزيانة راه شدو بن لادن.

ما رأيك؟
أنشر الفيديو إذا أعجبك
أعجبني
لم يعجبني
محايد
التعليقات
2
  1. sousou

    iwa cheti 7na mjehdin 3la merikane bnladen dyalhom matched 7ta matt , ama 7na chedoh 9ethe 7ayone yorza9

    إجابة
  2. mohajir

    sabah nour awalan wach hadchi kayan ghir f martil allah ya3tina wjouhkom rah f jami3 mantik meghreb hadchi wala 3adna jouzee men el3adat dyawlna daba mabga walo nwalfo had lamsekh ou allah yahdi makhlag ou safi ou tahiya rijal amen police fedirale

    إجابة

إضافة تعليق