لشكر كيدير الحساب

كتب بواسطة على الساعة 17:14 - 28 نوفمبر 2012

مادموزيل الشوافة

ها قلبي ها تخمامي ها ما أتاني الله.
البارح جاني السي إدريس لشكر ندير ليه الحساب باش يشوف واش غادي يكون كاتب أول للحزب ديالو ولالا، وحيت واعدتكم باش ما نخبي عليكم والو، نعاود ليكم آش قلت ليه.
قلت ليه يا وليدي يا السي إدريس، راه ضارباك العين من شحال هادي، والحاجة اللي درتي فيها يديك ما كتصدقش، وصعيب واش توصل لداك الشي اللي باغي توصل ليه.
يا وليدي يا إدريس، انت قلبك هشيش، واخا كيبان عليك قبيح، ولكن صحابك فالحزب ما يتيقوش فيك.
عندك التابعة يا وليدي، الكرش اللي عندك حتى هي حاسدينك عليها.
سير يا وليدي دير شي تفوسيخة: جيب التراب اللي مشى عليه السي عبد الرحمان، وشوية من القبر ديال السي عبد الرحيم، وخلطهم مع الما ديال الروبيني، وعنداك تشربهم، غير دهن بيهم كرشك.
دير النية وبات مع الحية، وما تنساش كل صباح، قبل الفطور، دير شي تبخيرة بالتخليطة ديال الوردة، وقول: الله يبعد فتح الله من طريقي، الله يبعد المالكي من طريقي، ويلا بغيتي ندير ليك العكس لهادوك جيب لي تصاورهم وهانا معاك، ولكن يلا نجحتي ما تنسانيش.
وقول التسليم

ما رأيك؟
أنشر الفيديو إذا أعجبك
أعجبني
لم يعجبني
محايد
التعليقات
1
  1. mzabi امزابي

    و نسيتي تقول ليه

    بالفرنسية les tonneaux vide …ils font bcp de bruit

    بالعربية تعرابت قول ليه راه جا عماك عفوا معاك الموسطاش اسي لشكر .

    السداري بوكريشة

    إجابة

إضافة تعليق