شواف.. نيميريك!!

كتب بواسطة على الساعة 16:07 - 26 نوفمبر 2012

مادموزيل الشوافة

ها قلبي ها تخمامي ها ما أتاني الله. الله يا وليدي الله، مالك جاك الحسد مني ولا شنو؟ يالاه أنا قلت نبدا هاد الحرفة الجديدة ديال تاشوافت فالسياسة بان ليك نفس البلان؟
سمحو لي يا وليداتي، الهضرة ماشي عليكم، ولكن على داك البرلماني اللي كيلعب الكارطة تحت القبة. إيوا هاذي منافسة غير شريفة، دعيتو لله.
ياك هو تحت القبة، وفوق من هاد الشي كيضرب الكارطة نيميريك، ما بقا ليه غير شي مجمر ديال الشنوا، كيشعل بلا فاخر، وها حنا صدقنا فلعب الدراري.
والله يلا وليدي وبقيتي تضرب الكارطة تحت القبة حتى ندير ليك شي مونتيف مع شمهروش. تبخيرة وحدة نتلف ليك الحزب ديالك.
وقول التسليم.

ما رأيك؟
أنشر الفيديو إذا أعجبك
أعجبني
لم يعجبني
محايد
التعليقات
3
  1. mzabi امزابي

    البرلمانيين معروف عليهم….التكاسل في خدمة الشعب
    داك النهار شديتو تصويرة ديال واحد البرلمانية….و سيقانها
    من بعد شديتوا المقرئ ابوزيد ناعس
    واش هادي هي الصحافة….طز فيكم
    راه ما كاين لا سياسة…لا صحافة…لا عبو الريح

    و انت اسي الشواف سير شوف غير جنابك بعد

    كون كان الخوخ يداوي….كون داوى راسو

    إجابة
  2. mohamad

    hahahahahahahhhhhhhhhhhh. ……………………

    إجابة
  3. fifi

    tbark llah 3lik a chwwafa w safi

    إجابة

إضافة تعليق