جدل الحمامات ينتقل إلى مجلس المستشارين.. رئيس الجلسة يخاطب مستشارا: “سير بعد مني باراكا من الهضرة الخاوية”!!

كتب بواسطة على الساعة 15:26 - 20 نوفمبر 2012

 

علي أوحافي

وقيلا الحسين الوردي، وزير الصحة، ما كذبش ملي قال باللي 50 في المائة من أعضاء مجلس المستشارين عندهم اضطرابات نفسية. كيفاش؟

اللي شاف وسمع النكير اللي كان بين رئيس جلسة الأسئلة الشفوية، اليوم الثلاثاء (20 نونبر)، وبين مستشار من فريق الأصالة والمعاصرة، غادي يحشم من راسو ومن المستوى اللي وصلات ليها السياسة فهاد البلاد.

السيد ديال البام ناض كيخطب وكيدوي على الحكومة، وملي سالا الوقت قال ليه رئيس الجلسة صافي، إلا أنه ما عجبوش الحال، وبقا داوي، خصوصا أنه حتى هو جبد التماسيح والعفاريت، وما حذا برئيس الجلسة إلى أن يخاطبه، وهو كيدير فيه شي شوفات في شكل، “وباراكا باراكا من الهضرة الخاوية”. الجدل لم يقف هنا، المستشار زاد كيغوت، والرئيس كيشوف فيه وهو يقول ليه: « سير بعد مني”.

وفينك يا السي الوردي؟

ما رأيك؟
أنشر الفيديو إذا أعجبك
أعجبني
لم يعجبني
محايد