وهبي لمالين الزريعة: ما تخليوش شي حد يخاصمنا معاكم

كتب بواسطة على الساعة 15:59 - 9 نوفمبر 2012

 

محمد محلا

عبد اللطيف وهبي، رئيس فريق الأصالة والمعاصرة في مجلس النواب، قدم اعتذارا، عبر موقع “كيفاش”، إلى مالين الزريعة، وهو الذي سبق أن قال، في اجتماع للجنة المالية في الغرفة الأولى، في سياق انتقاده لمشاريع السكن الاجتماعي المخصص للطبقة الوسطى، إن “هذه المشاريع بعيدة عن الواقع”، وأعطى المثال على ذلك بمشروع المدينة النموذجية “تامسنا”، حيث قال إن هذه المدينة “ما تصلح غير لشي شلح يبيع فيها الزريعة”.

وهبي قال: “الله يحفظكم ويطول لينا فعمركم ما تخليوش شي حد يخاصمنا معاكم”. كما أوضح أن حزب العدالة والتنمية كيحول كلام الأصالة والمعاصرة.

 

 

 

سي وهبي كتاكل شوية الزريعة؟

كناكلها باستمرار.

 

ومالك هاد الأيام مع مالين الزريعة؟ راهم كاعيين عليك شوية؟

لا لا، غير هادوك اللي كيعتبرو نفوسهم أوصياء على الناس جميعا هوما اللي كاعين عليا، أما مالين الزريعة راهم أصدقاء ديالي، وفيهم اللي من البلاد، وعندي معهم علاقة جيدة، ولحد الآن علاقتنا طيبة، ويلا دزت من الحانوت كيعطيوني الزريعة وكناكلها، وما عندنا مشكل، راه كنتكلمو بالشلحة في العشية وفي الصباح، هوما ما عندهم عقدة مني وأنا ما عندي عقدة منهم.

 

آش وقع بالضبط؟

كنت كنتكلم بشكل عام، وقلت راه هاد البلاد خاصها استثمارات وبركة من هاد الحوينتات ديال الزريعة، وما قصدش الإهانة، ولكن بغيت نقول راه منطقة سوس فيها استثمارات وما يمكنش تقبل أن في مناطق كيضوبلو السكة الحديدية ومناطق حرة، وحنا في سوس ما عندنا سكة حديدية لا منطقة حرة لا مناطق للمعامل، يلا بغاو يخليو الوضع هاكا هذا شغلهم، ولكن سمح ليا أنا ما يمكنش نسكت.

 

ولكن أعضاء في حزب العدالة والتنمية كيقولو باللي طالبو باعتذار ورفضتي. واش هاد الكلام بالصح؟

واش نعتذر لعائلتي؟ ولا نعتذر للوالد ديالي اللي شلح؟ ولا نعتذر للوالدة ديالي اللي ريفية؟ الوالد ديالي شلح من سوس كيعرفوه الجميع، والوالد ريفية وتربات بين الشلوح، وكنتكلم الشلحة وقريت مع الشلوح وعشت معهم. هوما بغاو يفرقو الولد مع عائلتو، راه العدالة والتنمية بغات تحكم باش ما، ولا يفجرو الأوضاع بين العائلات، باش تشوف العقلية مع من كنتعاملو.

 

هاد الأيام ولى غير البوليميك الخاوي، ها مالين الزريعة ها السيارات ديال بنشماش وبنكيران. واش هادي هي السياسة؟

وهوما اللي نزلو لهاد المستوى (العدالة والتنمية)، كيتكلمو على التماسيح وكيتكلمو على العفاريت آش مطلوب منا نديرو، قلنا ليهم أجيو نناقشو الاقتصاد ما بغاوش، قلنا ليهم أجيو ناقشو الاستثمارات ما بغاوش، بغاو هاد الكلام آش نديرو ليهم.

هوما اللي كيحولو كلامنا لهاد الشي هادا، أما حنا الكلام ديالنا يلا خديتيه في السياق راه ما فيهش هاد المعنى، راه كياخدو جملة من الكلام ديالنا وكيستخدموها باش يضربونا بيها، ولكن هادي طريقة قديمة وما بقاتش نافعة، يلا بغا شي حد يحكي يحكي الكلام كولو، ماشي يحكي من الكلام داك الشي اللي عجبو باش يستعملو ويخدم بيه.

 

شي كلمة لمالين الزريعة باش نصفيو القلوب.

الله يحفظكم ويطول لينا في عمركم ما تخليوش شي حد يخاصمنا معاكم، أنا ديالكم وأنتوما ديالي، ولا إله إلا الله.

ما رأيك؟
أنشر الفيديو إذا أعجبك
أعجبني
لم يعجبني
محايد
التعليقات
7
  1. بنور

    بغيت غير نعرف هاد النائب البرلماني بهاد المستوى كيفاش نجح في الإنتخابات .

    إجابة
  2. bouj3rane choj3an

    لنفرض جدلا أن السي وهبي صادق واش العدالة والتنمية إلى نتاحروا حتى نتوما تنتاحروا وزيدون على العائلة إلى غلطتي في حقهم ماشي واجب عليك تعتذر منهم عجيب منطقك !!
    و أن تكون أمازيغيا ليس شيك على بياض أنك تستهزأ بنا و نصيحة الإعتذار ماشي ضعف بل يعكس قوة شخصية.
    هادشي كامل إذا افترضنا أن الحوار غير مفبرك هاد الدنيا عجب !!
    تشاو تشاو.

    إجابة
  3. H A M I D

    …..وهبي هو ابن الحسن اهمو الموجود في تارودانت …اصلهم من دائرة تا لوين عمالة تارودانت من دوار ادوزرو DOUZROقرب المركر….كان الاب الحسن اوهمو ورفيق له يسمى ستي العربي في بداية الاستقلال يجولون في البوادي
    والقرى ويجمعون اموا ل وماشية الاضرحة والاولياء ..قيل لصالح المقاومة وجيش التحرير في الصحراء…..

    إجابة
  4. omar

    Pour une simple information pour MR ouahbi .ou MAROC le seul Person qui paie ces impôts et investie ds sa ville natale et prend soins de ses enfants c’est moll zeri3a. Le parlementaire il reçoit son salaire et des indemnités sans rien faire. Sauf c’est tu considère dormir et c’absenter un job qui mérite un grand salaire.

    إجابة
  5. fouad

    guerbouz walahi guerbouz….c dure des excuses pour votre altesse ….je suis amazigh et non chelh et vous manquez de bcp de tactes et d approches politiques et sens de responsabilités et ne parlez plus au nom des amazighs; vous ne le meritez vraiment pas…guerbouz

    إجابة
  6. athman

    ma kdabsh tamasna ra tkharbi9A MA MDINA MA TA LA3ba a sidi saknouna sakane mzyane baraka ml snada9

    إجابة
  7. tifnouty roudani

    تحية خالصة وبعد
    لقد تابعت منذ البداية ملف “تامسنا ومول الزريعة” والزوبعة المفتعلة ضد الاستاذ وهبي وكيف يحاكم اناس هذا البرلماني المحترم دون التاكد من كلامهم.ان من يعرف الاستاذ عن كثب والطريقة الشريفة التي انتخب بها دون اساليب بعض النواب وكذا ما يقوم به من عمل في الميدان ودفاعه عن سكان تارودانت وغيرهم يعرف عن ماذا اتحدث.
    هذا من جهة من جهة اخرى لقد تم استغلال كلامه بمكر كبير وسوء نية جعلت بعض الجمعيات “الامازيغية” تنساق وراء هذا التضليل.فبدل التركيز على ما اثاره الاستاذ عن الحالة المزرية لتامسنا وباقي المدن الجديدة والسكن الاقتصادي تم بتر كلامه وتزييفه لاغراض معروفة.
    وكابن المنطقة ومن ساكنيها اشهد بدفاعه عن الامازيغ وحقوق الضعفاء.
    فكفاكم مكرا وخبثا وديوها فالمشاكيل دلمواطنين فبلاصت ما تكويوهم بالزيادة فهمتوني ولا لا؟
    انشر ا الفقيه بوسنطيحة

    إجابة

إضافة تعليق