النافي الرسمي باسم الحكومة!!

كتب بواسطة على الساعة 11:25 - 30 أكتوبر 2012

الفقيه بوصنطيحة

يبدو أن الفعل الأقرب، هذه الأيام، إلى قلب وعقل وقلم ولسان وبال (زميلنا) مصطفى الخلفي، الذي رمته رياح النسيم العربي في المغرب إلى الحكومة، هو فعل: نفى، مع تصريفه: ينفي، نفيا… وما يلزم هذا الفعل، ومشتقاته، من تشديد وقطع، بل وحتى تأكيد.. للنفي.

الخلفي، الذي يبدو أن لم يبتلع بعد مرارة دفاتر التحملات، أو التحاملات (كلها كيفاش كيقراها)، صار متخصصا في النفي، لذلك جاز تعديل وظيفته، من ناطق رسمي باسم الحكومة إلى ناف رسمي باسمها، وبهذا الشكل سنضع الأمور عند نصابها (زوينة هاد نصابها كتعجبني والله واخا ما كنفهم المعنى ديالها)، ونكون أيضا أرضينا الحالم العام الجديد لحزب الاستقلال، حميد شباط.

في يوم واحد، خرج الخلفي ينفي مرتين. في الأولى نفى، بدلا عن بنكيران الذي صار يحسب كلماته قبل أن يتكلم باش حتى واحد ما يفهمو غلط ثاني، أن يكون رئيس الحكومة تداول مع أي كان في أمر الشبيبة الإسلامية وشيخها عبد الكريم مطيع. قلنا مزيان، حاجة بحال هاذي خاصها تكون، إنما بعد أقل من ساعة، ربما، خرج الخلفي بنفي آخر، بدلا عن بنكيران هذه المرة أيضا، والمعني بالنفي هو خبر أوردته يومية “الصباح”. وعلى ذكر “الصباح” يبدو أن بنكيران حاضيهم غير هوما: يلا كتبو: قال بنكيران، يصيفط ليهم بيان فيه: لم يقل بنكيران، ويلا كتبو لم يقل بنكيران، يصيفط ليهم بيان فيه: قال بنكيران…

وقبل هذا وذاك، وقبل الصباح وبعدها، خرجت الحكومة، عن طريق الخلفي، أو عن طريق غيره، تنفي هنا، وتنفي هناك، إلى درجة أن الواحد ما بقاش عارف فين كاين الديفو: واش فالحكومة، واش فالإعلام، واش فعبد الكريم مطيع، واش فينا حنا كاملين، ولا فهاد الربيع العربي (اللي أوباما باباها والله ما عندو بحالو).

المهم الديفو كاين… وسير قلبو عليه.

تشاو تشاو.

ما رأيك؟
أنشر الفيديو إذا أعجبك
أعجبني
لم يعجبني
محايد
التعليقات
9
  1. tchita

    العيب باين منين ا سي الفقيه بلا مادير عين ميكة ودير راسك ماعارفش شي ناس الله اهديهم اساؤوا للسلطة الرابعة و خاصكم تبراو منهم وإلا ماتلموناش إلى زدناكم على التلفة المغربية.
    الله اهديكم علينا.

    إجابة
  2. mzabi امزابي

    اسي الفقيه بوصنطيحة

    الرجوع لله … واش بولفاف دارها… و لا الشحمة

    هاذ الموضوع بيني و بينك راه مافيه لا .. ملحة لا سر

    و تكيس شويا….الشيء اذا زاد عن حده انقلب الى ضده

    بصراحة موضوع باسل او مقال باسل

    تذكر لا زمتي جيدا اسي الفقيه…. نعم للمعقول … لا للاستحمار

    إجابة
  3. عبدالوحد فيزازي

    ابو سنطيحى ويد قريت الجر ئد او الموقع كل صبح عد الديفو موجود فيكم الصخفين عفون الصحفين وش فهمتو اول لا

    إجابة
  4. mahmoud

    c est n importe quoi

    إجابة
  5. لمعقول

    ديفوا فبكم نتما الصحفين لان جزء كبير من الصحفين لا يستطيع ان يفرق بين العمل الصحفي والعمل السياسي ويخلط الاول بالثاني والجزء الاخر يشتغل تحت الطلب لدفاع عن من يدفع اكثر …وش فهمتى اولالا

    إجابة
  6. allal

    fhad al ma9al 3jabtini wa a3tadir 3an kalimat hmap li anaha kharjat bla men nawzanha li ana si alioua tah fal fagh li darouh li shab lhal ma3lina…défaut f pjd mali jaw al houkama ou houma tayastahblou la mgharba taygoulo al haja ayla chadat taysaktou ayla nad sda3 tayanfiw ..benkirane wala bhal la3ghouza li tatkhraf aw skayra li galou falil tay kadbou fa sbah…….Moute3 ghadi y nawad 3lih hayal wa jdid dak lakhrayaf dyal benkirane ghadi yat9adaw lih ou roupama aykoun jadid fi 9adiyat omar benjelloun dak chi lach khayaf Benkirane moul ma3mal dyal javel f salè hit daba dkhal moute3 3ala khat ghadi n3arfou ba3d al ha9ai9 3la benkirane warba3tou arak lafraja………………mousamaha bousanteha lalal…si Ramdani lagfhzal

    إجابة
  7. MOUNIR

    هاذ الفقيه بوسنطيحة عندك غير كيخور اسي الرمضاني خسك تجري عليه. الاتهامات ديال موطيع خطيرة انا قريت الرسالة و الاتهام موجه لرئيس الحكومة وخس الحكومة تنفي خصوصا ان الكلام لا دليل عليه شكون هاذ الوسيط و علاش بقا ساكت
    اما الصباح فلانها جريدة عندها مقروئية و لقالت على لسان رئيس الحكومة بانه وافق على زيادة اجر البرلمانين فراها كتضرب الشعبية ديالوو هادشي الا قلناها راه غير باش تستهلك بلا ماتهلك
    انا بنكيران ضرني ف 3% ديال سيرتاكسسيون فقانون المالية جديدو ماغاديش نسمحلو لا دنيا لا اخرة

    إجابة
  8. Yassine

    wa si ramadani dakchi li binek w bine shayb lkhalfi madakhlouch f les articles dyalak rah wla cha3b marroqui faya9 😀

    إجابة
  9. allal

    al wassat bayan fi a ressala howa toutanji ou raha bayana la3war benkirane khassou yewadah li nass al oumra ghi jat ou tahat ou mali Ilias al oumari wae9ou a hagha al malek li seftou al oumra ou rah koulchi makhdoum bach mayadkhoulch moute3 ou yefrach malin 3arss ye3ni safa9at siyassia fi had al milaf.Moute ayla mcha hata dkhal ghadi yakhwi lamziwda dyal benkirane ou roupama tkoun lih chi yad khfia fi ghtial omar benjelloun dak chi 3lach benkirane ou zabaniyatotouhou li khtarou al khateb maghayench moute3 yadohal ou darou cinema fal barlaman

    إجابة

إضافة تعليق