فيديوهات جنسية واتهامات بالنصب.. قضية الشيخ الفيزازي وحنان تشعل الحرب بين “صحاب الرقية الشرعية”!!

كتب بواسطة على الساعة 15:54 - 19 أكتوبر 2017

القضية ديال “الشيخ الفيزازي وحنان” فجرت “حرب” بين مجموعة من ممتهني “الرقية الشرعية”، اللي ناضو كيدافعو على الشيخ الفيزازي وكيهاجمو ف”الراقي” أشرف الحياني.
الراقي أشرف الحياني كان بان “كشاهد” في قضية الشيخ الفيزازي وحنان، وقال باللي هو صاحب الشيخ وشاهد على “زواجو” من حنان، وكان كيمشي عندهم لدارهم فطنجة.
جوج “رقاة” دارو فيديو هاد الأيام قالو فيه باللي “أشرف الحياني هو شيطان يمشي على الأرض، وعرى إمام مسجد وصور فيديو وقاليه يلا قلتي عليا شي حاجة غنشر الفيديو.. وهاد الشي اللي طرا للإمام بحال داك الشي اللي طرا لحنان، وحنان ما خترعات هاد القصة حتى تلاقات مع أشرف الحياني، اللي عندو عصابة وحاشية كتعاونو فهاد الجرائم”.
وفموقع يوتوب نتشرو بزاف ديال المقاطع ديال الفيديو كلها كتهضر على “فضائح جنسية ديال أشرف الحياني”، ومن بينها فيديو كيبان فيه واحد، قالو أنه الحياني، وهو في محادثة بالفيديو مع فتاة وكيطلب منها يشوف صدرها، وهاد الشي اللي نفاه هو وقال باللي كذوب.

ما رأيك؟
أنشر الفيديو إذا أعجبك
أعجبني
لم يعجبني
محايد
التعليقات
0

إضافة تعليق