ابن كيران والمعاش الوزاري.. عندو الطوموبيل عندو الكارضكور دايرو في دارو!!

كتب بواسطة على الساعة 13:27 - 13 أكتوبر 2017

علي أوحافي
بزاف ديال الصحف والمواقع كتبات فالأيام الأخيرة باللي عبد الإله ابن كيران، رئيس الحكومة السابق، والأمين العام لحزب العدالة والتنمية، ما كيستفدش من “معاش استثنائي” على غرار سلفيه إدريس جطو وعبد الرحمان اليوسفي.
الطريقة باش خرج الخبر بينات القضية بحال يلا هي استجداء، خصوصا أنه (الخبر) منسوب إلى “مصادر مقربة من ابن كيران”، وهادي ماشي المرة الأولى اللي كيكون فيها “تسريب” لمثل هذه “الأخبار”، لإظهار ابن كيران كمسؤول (سابق) مظلوم ومحكور وزاهد فالامتيازات، عكس المسؤولين الآخرين اللي كيخرجو من المناصب شبعانين امتيازات.
المشكل هو أن الناس اللي مسربين هاد الخبر نساو، أو تناساو، باللي ابن كيران، على عكس الوزراء الأولين السابقين، عندو حراس خاصين كيحضيوه فين ما مشا، واخا ما بقاش رئيس حكومة، زيادة على استفادته من طوموبيل زوينة، وضعها الملك رهن إشارته.

ما رأيك؟
أنشر الفيديو إذا أعجبك
أعجبني
لم يعجبني
محايد
التعليقات
0

إضافة تعليق