قصة الطفلة فاطنة.. ما بغاتش تتزوج بيه وتعدا عليها بموس دار ليها 70 غرزة!! (صور)

كتب بواسطة على الساعة 14:42 - 13 سبتمبر 2017

تعرضت فاطنة العطراني، البالغة من العمر 15 سنة، ليلة أمس الثلاثاء (12 شتنبر)، لاعتداء بالسكين من قبل شخص، في حي السلام في مدينة سطات، تسبب لها في 70 غرزة في أنحاء مختلفة من جسدها.
وعن تفاصيل هذه الوقعة يقول خال فاطنة، في اتصال هاتفي مع موقع “كيفاش”، “هو كان بغا يخطبها وما بغاتش حيث باقية صغيرة، وقالت ليه مها ملي توصل ل18 عام مرحبا بيك.. وهي يتيمة ما عندهاش باها وخوتها باقيين صغار داك الشي علاش حكر عليها وتكرفس عليها”.
وأضاف الخال: “هي كانت فالعروبية، ملي رجعات البارح لدارهم فسطات قاليها خرجي نعطيك تلفونك، كان خداه ليها قبل ما تمشي، ونزلت عندو هي ومها، قال ليها أجي للطومبيل خودي التلفون ديالك، ما بغاتش قالت ليه عطيه لمي، وتمت راجعة للدار، وهو ينزل من الطومبيل وبدا يضرب فيها بجنوية ودار ليها ديك الحالة”.
وبعد نقل الضحية إلى المستشفى، يضيف المتحدث، “عطاوها شهادة فيها 40 يوم”، بعد أن تسبب لها المعني بالأمر، والذي يقيم زمامرة وﻻد سعيد دوار العامل، في 70 عرزة، 30 منها في الرأس.
وأكد خال الضحية، التي ترقد حاليا في المستشفى، أنه تم وضع شكاية في الموضوع لدى المصالح الأمنية، وتسلموا نسخة من الشهادة الطبية.

تتطلب عرض الشرائح هذه للجافا سكريبت.

ما رأيك؟
أنشر الفيديو إذا أعجبك
أعجبني
لم يعجبني
محايد