المحلل نجيكم نيشان يكتب: التحكم الحقيقي هو أن العدس يرجع بـ30 درهم!

المحلل نجيكم نيشان يكتب: التحكم الحقيقي هو أن العدس يرجع بـ30 درهم!

بقلم: نجيكم نيشان
من بعد البيض والبصلة دابا النّوبة ديال العدس. هاد المادة ما بقاتش ديال الفقراء فهاد الوقت، ومن بعد ما كانت “ملاذّ” ديال اللي ما فحالهش غادي ترجع بحال شي ديسير غالي، 30 درهم للكيلو، يعني حتى تسالي الغدا وخود ليك معيلقة ديال العدس بشوية ديال سنيدة.
وشوف على صدفة، هاد الشي كيجي تزامنا مع مشاورات تشكيل الحكومة الجديدة. أمارة الدار على باب الدار. داخلين علينا بالربح من دابا. كل حزب كيقلّب على بلاصتو، شي فالمعارضة وشي فالحكومة، والمواطن اللي مشى صوّت، ولا ما مشاش كاع، خلاّوه معزول، مضارب مع القفة، وحتى العدس اللي كان كان حنين على المغاربة قلب وجهو وولّى داير الثمن.
الأحزاب اللي دابا كتوجّد تدخل الحكومة، والبيجيدي اللي فرع لينا راسنا بالتحكم، خاصها تعرف باللي التحكم الحقيقي هو أن العدس يرجع بـ30 درهم للكيلو، والحكومة اللي غادي تجي يلا نقصات غير فثمن العدس راها دارت إنجاز كبير.
عنداك غير يخرج لينا عبد العزيز أفتاتي يقول لينا عاوتاني راه العدس صار من أدوات الدولة العميقة، وهو دليل على أن التحكم فقد عقله بعد التقارب بين أحزاب الكتلة والبيجيدي.

ما رأيك؟
أنشر الفيديو إذا أعجبك
أعجبني
لم يعجبني
محايد